Skip to main content

திருக்குறள் அறுசொல் உரை – வெ. அரங்கராசன்: 059. ஒற்று ஆடல்

     27 September 2015      No Comment

attai_kuralarusolurai

02. பொருள் பால்
05. அரசு இயல்
அதிகாரம் 059. ஒற்று ஆடல்

உள்,வெளி நாடுகளில், எல்லா
நடப்புக்களையும், உளவு பார்த்தல்

  1. ஒற்றும், உரைசான்ற நூலும், இவைஇரண்டும்,
      தெற்(று)என்க, மன்னவன் கண்.

      உளவும், உளவியல் நூல்தெளிவும்
        ஆட்சியரிடம் அமைதல் வேண்டும்.

  1. எல்லார்க்கும் எல்லாம் நிகழ்பவை, எஞ்ஞான்றும்
      வல்அறிதல், வேந்தன் தொழில்.

      எல்லார்க்கும் எல்லாமும் கிடைப்பவற்றை,
        ஆட்சியான் உளவால் ஆராய்க.

  1. ஒற்றினான் ஒற்றிப், பொருள்தெரியா மன்னவன்
      கொற்றம், செயக்கிடந்த(து), இல்.

      நிகழ்வனவற்றை, உளவால் உணரா
        ஆட்சியால் ஏதும் ஆகாது.

  1. வினைசெய்வார், தம்சுற்றம், வேண்டதார், என்(று),ஆங்(கு)
      அனைவரையும், ஆராய்வ(து) ஒற்று.

      பணியார், உறவார், பகையார்என,
        எல்லாரையும் உளவு பார்க்க.

  1. கடாஅ உருவொடு, கண்அஞ்சா(து), யாண்டும்
      உகாஅமை வல்லதே, ஒற்று.

      மாறுவேடம், அஞ்சாமை, அறிந்ததை
        வெளியிடாமை, உளவின் கூறுகள்.

  1. துறந்தார் படிவத்தர் ஆகி, இறந்(து)ஆராய்ந்(து),
     என்செயினும், சோர்(வு)இல(து), ஒற்று.

 தவவேடத்தோடு, எவ்இடத்தும் புகுந்து,
       ஆபத்திலும் வேவு பார்க்க.

  1. மறைந்தவை கேட்கவற்(று) ஆகி, அறிந்தவை
     ஐயப்பா(டு) இல்லதே, ஒற்று.

 மறைவான செய்திகளையும், உளவு
        பார்த்து, ஐயம்இலாது தெளிக.

  1. ஒற்(று)ஒற்றித், தந்த பொருளையும், மற்றும்ஓர்
      ஒற்றினால், ஒற்றிக் கொளல்.

      உளவுச் செய்திகளை, ஒன்றோடு
        ஒன்றை ஒப்புஆய்ந்து ஏற்க.

  1. ஒற்(று)ஒற்(று), உணராமை ஆள்க, உடன்மூவர்
      சொல்தொக்க, தேறப் படும்.

      ஒருவரை ஒருவர் உணராவாறு,
        ஒற்றர் ஒற்றுக்களை ஒப்புஆய்க.

  1. சிறப்(பு)அறிய, ஒற்றின்கண் செய்யற்க; செய்யின்,
     புறப்படுத்தான் ஆகும், மறை.
 ஒற்றர்க்கு வெளிப்படையாய்ச் சிறப்புச்
       செய்தால், மறைவு வெளிப்படும்.
-பேராசிரியர் வெ. அரங்கராசன்
அதிகாரம் 060. ஊக்கம் உடைமை


Comments

Post a Comment

Popular posts from this blog

எனக்குப் பிடித்த திருக்குறள்! – இரெ. சந்திரமோகன்

Image
அகரமுதல இலக்குவனார் திருவள்ளுவன்         06 மார்ச்சு 2019         கருத்திற்காக.. எனக்குப் பிடித்த திருக்குறள்!      தமிழ்ச் சமுதாயம் நயத்தக்க நாகரிகம் வேண்டும் சமுதாயம்; “யாதும் ஊரே, யாவரும் கேளிர்” என்று “ங” போல் வளைக்கும் சமுதாயம். அதன் ஒப்பற்ற பெருமையைப் பறைசாற்றும் நூற்களுள் மிகச்சிறந்தது தொல்காப்பியம், மற்றும் திருக்குறள் என்பது எனது கருத்து. மனித இனம் படிநிலை வளர்ச்சியில் உருவாகி, உடல் வலுவால் மட்டுமின்றி அறிவு ஆற்றலால் மேம்பட்டது. பல்லாயிரக்கணக்கான ஆண்டுகளாக நடைபெற்று வரும் வாழக்கைப் போராட்டத்தின் விளைவாக மிருகங்களிடம் இருந்து மேம்பட்டு, உயிரினங்கள் அனைத்தையும் பாதுகாக்கும் நிலைக்கு மனிதன் உயர்கின்றான். காலப்போராட்டத்தில் கருத்துக்களால் மேம்பட்ட சமுதாயமாக, உலகைக் காக்கும் சக்தியாக விளங்கும் சொற்களால் உருவான இலக்கியங்கள் கொண்டதால் “தமிழ்மொழி” செம்மொழி என்று உரைக்கப்படுகிறது.     எனக்குப் பிடித்த குறள், அனைவருக்கும் தெரிந்த ஒரு குறள். ஆயினும்  அதில் மறைந்திருக்கும் நுட்...
Read more

பல்துறையில் பசுந்தமிழ் : அறிவியல்தமிழ் 3/8 – கருமலைத்தமிழாழன்

Image
அகரமுதல 18 9, வைகாசி 21, 2048 / சூன் 04 , 2017 இலக்குவனார் திருவள்ளுவன்      04 சூன் 2017       கருத்திற்காக.. (பல்துறையில் பசுந்தமிழ் : அறிவியல்தமிழ் 2/8 –‌ தொடர்ச்சி) பல்துறையில் பசுந்தமிழ் : அறிவியல்தமிழ் 3/8 கவியரங்கக்கவிதை மயில்பொறியை   வானத்தில்   பறக்க   வைத்தோம் மணிபல்லத்   தீவிற்குப்   பறந்து   சென்றோம் குயில்மொழியாள்   கண்ணகியை   அழைத்துச்   செல்லக் குன்றுக்கு   வானஊர்தி   வந்த   தென்றே ‘ உயில் ‘போன்று   நம்முன்னோர்   எழுதி   வைத்த உண்மைகளை   அறிவியலின்   அற்பு  தத்தை பயில்கின்ற   காப்பியத்தில்   படித்த   தெல்லாம் பார்தன்னில்   நனவாகக்   காணு  கின்றோம் ! அணுப்பிளந்த    செய்திதனை   ஔவை   சொன்னால் ...
Read more

செய்யும் தொழிலே தெய்வம் – பட்டுக்கோட்டை கல்யாணசுந்தரம்

Image
செய்யும் தொழிலே தெய்வம் – பட்டுக்கோட்டை கல்யாணசுந்தரம் இலக்குவனார் திருவள்ளுவன்      04 மே 2014       கருத்திற்காக.. - அகரமுதல மே நாள் சிறப்பிதழ்
Read more