Skip to main content

திருக்குறள் அறுசொல் உரை – 082. தீ நட்பு : வெ. அரங்கராசன்


     01 நவம்பர் 2015      கருத்திற்காக..

attai-kuralarusolurai

02. பொருள் பால்
11. நட்பு இயல்
 அதிகாரம் 082. தீ நட்பு

 தீப்போன்று, கொடிய பேர்அழிவுதரு
தீமையான நட்போடு சேராமை.

  1. பருகுவார் போலினும், பண்(பு)இலார் கேண்மை
     பெருகலின், குன்றல் இனிது.  

       பண்புஇலார் போலித் தீநட்பு
       நிறைதலினும், குறைதல் இனிது.  

  1. உறின்நட்(டு), அறின்ஒரூஉம், ஒப்(பு)இலார் கேண்மை,
   பெறினும், இழப்பினும் என்?

       பெறும்போது, ஓங்கும்; அறும்போது,
         நீங்கும் தீநட்பு எதற்கு?

  1. உறுவது சீர்தூக்கும் நட்பும், பெறுவது
   கொள்வாரும், கள்வரும், நேர்.

       பெறுவதை ஆராய்வாரும், தருவதைப்
       பெற்றுக் கொள்வாரும் கள்வரே.

  1. அமர்அகத்(து), ஆற்(று)அறுக்கும் கல்லாமா அன்னார்
     தமரின், தனிமை தலை.

         நடுவழியில் கைவிடும் நட்பினும்,
         தனிமை தலைநிலை இனிமை.
  1. செய்(து)ஏமம் சாராச் சிறியவர் புன்கேண்மை,
   எய்தலின், எய்யாமை நன்று.
        நல்நட்பைச் செய்தும், காத்துக்கொள்ளாச்
       சிறியார் இழிநட்பை ஒழி.

  1. பேதை பெரும்கெழீஇ நட்பின், அறி(வு)உடையார்
     ஏ(து)இன்மை, கோடி உறும்.

       அறியார் பெருநட்பினும், அறிவார்
       பகைமையே, மிகவும் நன்று.

  1. நகைவகையர் ஆகிய நட்பின், பகைவரால்
     பத்(து)அடுத்த கோடி உறும்.
  
       முகத்துஅளவில் சிரிக்கும் நட்பினும்,
       பகைமையே, மிகவும் நன்று.
     
  1. ஒல்லும் கருமம், உடற்று பவர்,கேண்மை
   சொல்ஆடார்; சோர விடல்.

       ‘முடியும் செயலை முடியாது’என
      மொழிவார் நட்பை நழுவவிடு.

  1. கனவினும் இன்னாது மன்னோ….? வினைவேறு
     சொல்வேறு பட்டார் தொடர்பு.


       செயல்வேறு, சொல்வேறு கொண்டார்தம்
       தீநட்பு கொடியது அன்றோ….?  

  1. எனைத்தும் குறுகுதல் ஓம்பல், மனைக்கெழீஇ,
   மன்றில் பழிப்பார் தொடர்பு.

       வீட்டில், புகழ்நட்பு; வெளியில்,
       பழிப்பு; நெருங்காமை, சிறப்பு.
பேராசிரியர் வெ. அரங்கராசன்
(அதிகார 083. கூடா நட்பு)   

Comments

Post a Comment

Popular posts from this blog

பல்துறையில் பசுந்தமிழ் : அறிவியல்தமிழ் 3/8 – கருமலைத்தமிழாழன்

Image
அகரமுதல 18 9, வைகாசி 21, 2048 / சூன் 04 , 2017 இலக்குவனார் திருவள்ளுவன்      04 சூன் 2017       கருத்திற்காக.. (பல்துறையில் பசுந்தமிழ் : அறிவியல்தமிழ் 2/8 –‌ தொடர்ச்சி) பல்துறையில் பசுந்தமிழ் : அறிவியல்தமிழ் 3/8 கவியரங்கக்கவிதை மயில்பொறியை   வானத்தில்   பறக்க   வைத்தோம் மணிபல்லத்   தீவிற்குப்   பறந்து   சென்றோம் குயில்மொழியாள்   கண்ணகியை   அழைத்துச்   செல்லக் குன்றுக்கு   வானஊர்தி   வந்த   தென்றே ‘ உயில் ‘போன்று   நம்முன்னோர்   எழுதி   வைத்த உண்மைகளை   அறிவியலின்   அற்பு  தத்தை பயில்கின்ற   காப்பியத்தில்   படித்த   தெல்லாம் பார்தன்னில்   நனவாகக்   காணு  கின்றோம் ! அணுப்பிளந்த    செய்திதனை   ஔவை   சொன்னால் அவிழ்த்துவிட்ட    புளுகுமூட்டை   என்று   ரைத்தார் அணுக்குண்டைப்    பொக்ரானில்    வெடித்த   போதோ அருந்தமிழன்   அறிவுதனைப்   போற்றி   நின்றார் ! முணுமுணுத்தார்   அம்புமுனை   நெருப்பைக்   கக்கி முன்னேறிச்   சென்றதினைப்   பொய்யே   என்றார் முணுமுணுத்த   வாய்பிளந்தே   இசுகட்   என்று முகிழ்த்தஏவு    கணைகண்டு
Read more

பகுத்தறிவுப் பகலவன் பாவேந்தர் பாரதிதாசன் – கூடலரசன் bharathidasan spl.issue

Image
பகுத்தறிவுப் பகலவன் பாவேந்தர் பாரதிதாசன் – கூடலரசன் இலக்குவனார் திருவள்ளுவன்      20 ஏப்பிரல் 2014       கருத்திற்காக..   புரட்சிக் கவிஞர் என்ற பெருஞ் சிறப்புக்குரிய பாவேந்தர் பாரதிதாசன் அவர்கள் தாழ்ந்துபோன தமிழகத்தின் பகுத்தறிவுப் பகலவனாகப் பவனி வந்தார். பழமைச் சமுதாயத்தைப் பாட்டால் பண்படுத்திய பெருமை அவருக்கு மட்டுமே உண்டு. அடிமை வாழ்வினரை புரிய உலகு நோக்கி விரைந்துவர அழைத்தார். அவல வாழ்வினருக்கும் அஞ்சாமைத் திறன் ஊட்டினார். “ இருட்டறையில் உள்ள தடா உலகம் சாதி இருக்கின்றது என்பானும் இருக்கின்றானே – வெருட்டுவது பகுத்தறிவு இலையாயின் விடுதலையும் கெடுதலையும் ஒன்றேயாகும் ” என்று குரல் கொடுத்தபிறகுதான் மருட்டுகின்ற மதத் தலைவரை விரட்டுகின்ற வீரமெல்லாம் தமிழ் மக்களுக்கு வந்தது. பாரதிதாசன்! இந்தப் பெயர் தமிழர் தம் நெஞ்சத்தில் இடம் பெற்ற காலம் (18.8.39) முதல் இந்தி எதிர்ப்புப்போராட்டம் கிளர்ந்தெழுந்த நேரம்! “இந்தி எப்பக்கம் வந்து புகுந்துவிடும் எத்தனை பட்டாளம் கூட்டிவரும் தீங்குள்ள இந்தியை நாம் எதிர்ப்போம். பங்கம் விளைந்திடில் உங்கள் தாய்மொழிக்கே பச்சை இரத்தம் ப
Read more