Skip to main content

நிலையாய் வாழ்பவர்க்கு ஏதடா அழிவு? – செந்தமிழினி பிரபாகரன்

     26 நவம்பர் 2015      கருத்திற்காக..
மாவீரர் துயிலும் இல்லம்

புதைக்கப் புதைக்கவே எழுகின்றோம்!

கல்லறைகளைத்
தகர்த்து எறிந்தால்..
மண்ணுக்குள்
உயிரோடு
புதைத்து
மண்ணோடு மண்ணாக
உக்கி உருக்குலைத்தால்..
மனங்களை விட்டு
மறைந்து
போகுமா
மாவீரம்????
மூடரே!
பொறிக்கப்பட்ட
உணர்வுகளைப்
பொறி கக்கும்
தீத் துளிகளாய்
நெஞ்சுக்குள்
சூல் கொண்டு
நிலையாய்
வாழ்பவர்க்கு
ஏதடா அழிவு?
நெஞ்சுக்குள்
எரியும்
தீயாக,
தமிழர்
உள்ளத்தில்
கனன்றெழும்
வேட்கையாக ,
கந்தக
மேனியர்
உயிர் கொண்டு
வாழ்வதை
காடையர்
நீர்
அறிய மாட்டீர்!
புதைக்கப்
புதைக்கவே
நாம்
விதையாய்
எழுகின்றோம்!.
அழிக்க அழிக்கவே
நாம்
செழித்தோங்கி
வளர்கின்றோம்!
தடைகளே
தகர்க்கத் துடிக்கும்
பகைகளே
வாரும்!
வந்து எம்மை
எச்சமின்றித்
தடை செய்யும்!
மிச்சமின்றி
தகர்த்தெறியும்!
எச்சரிக்கின்றோம்!!!
நாம்
மூச்செறிக்கும்
முன்
கொட்டமடித்து
ஆடி முடியும்!
நாங்கள்
வீறு
கொண்டு
எழு முன்
எமை
அழித்து
முடியும்!
ஏனென்றால்…
உங்கள்
விழி காணா
எச்சத்தின்
மிச்சத்
துகளில்
இருந்து
நாம்
பொறி பற்றி
படரும்
காட்டுத்
தீயாக
அழிப்பு ஆற்றலாக
உரு மாறும்
காலம்
நாளை
வரலாம்..
அன்று
அழிவைத் தாங்க
உங்களால்
முடியாது!!!
அநீதியைப்
பொசுக்கும்
ஊழித்தீயாய்
மாவீரர்
எம்முள்
வாழ்வதறியாத
முட்டாள்களே!
நாம்
அழிவுகளில்
இருந்து
மூண்டெழும்
தமிழினம்!
குறித்து
வைத்துக் கொள்ளுங்கள்!
எங்கள்
மீண்டெழும் எழுகை
வரலாற்றை
காலங்கள்
குறிப்பெடுக்கும்
என்றோ
ஒரு நாள்
காலங்களை
நாம் குறிக்கும்
காலம் வரும்!
அது
வரை..
விழ விழ
எழும்
இனமாய்
மீண்டெழ
எங்கள்
வேர்களுக்கு
நீர் வார்க்க
எம்மைத்
தடை
செய்து
தகர்த்தெறியும்!
senthamizhini-prapakaran03
(அகரமுதல 107   கார்த்திகை 10, 2046 / நவ. 26, 2015)


Comments

Post a Comment

Popular posts from this blog

பல்துறையில் பசுந்தமிழ் : அறிவியல்தமிழ் 3/8 – கருமலைத்தமிழாழன்

Image
அகரமுதல 18 9, வைகாசி 21, 2048 / சூன் 04 , 2017 இலக்குவனார் திருவள்ளுவன்      04 சூன் 2017       கருத்திற்காக.. (பல்துறையில் பசுந்தமிழ் : அறிவியல்தமிழ் 2/8 –‌ தொடர்ச்சி) பல்துறையில் பசுந்தமிழ் : அறிவியல்தமிழ் 3/8 கவியரங்கக்கவிதை மயில்பொறியை   வானத்தில்   பறக்க   வைத்தோம் மணிபல்லத்   தீவிற்குப்   பறந்து   சென்றோம் குயில்மொழியாள்   கண்ணகியை   அழைத்துச்   செல்லக் குன்றுக்கு   வானஊர்தி   வந்த   தென்றே ‘ உயில் ‘போன்று   நம்முன்னோர்   எழுதி   வைத்த உண்மைகளை   அறிவியலின்   அற்பு  தத்தை பயில்கின்ற   காப்பியத்தில்   படித்த   தெல்லாம் பார்தன்னில்   நனவாகக்   காணு  கின்றோம் ! அணுப்பிளந்த    செய்திதனை   ஔவை   சொன்னால் அவிழ்த்துவிட்ட    புளுகுமூட்டை   என்று   ரைத்தார் அணுக்குண்டைப்    பொக்ரானில்    வெடித்த   போதோ அருந்தமிழன்   அறிவுதனைப்   போற்றி   நின்றார் ! முணுமுணுத்தார்   அம்புமுனை   நெருப்பைக்   கக்கி முன்னேறிச்   சென்றதினைப்   பொய்யே   என்றார் முணுமுணுத்த   வாய்பிளந்தே   இசுகட்   என்று முகிழ்த்தஏவு    கணைகண்டு
Read more

பகுத்தறிவுப் பகலவன் பாவேந்தர் பாரதிதாசன் – கூடலரசன் bharathidasan spl.issue

Image
பகுத்தறிவுப் பகலவன் பாவேந்தர் பாரதிதாசன் – கூடலரசன் இலக்குவனார் திருவள்ளுவன்      20 ஏப்பிரல் 2014       கருத்திற்காக..   புரட்சிக் கவிஞர் என்ற பெருஞ் சிறப்புக்குரிய பாவேந்தர் பாரதிதாசன் அவர்கள் தாழ்ந்துபோன தமிழகத்தின் பகுத்தறிவுப் பகலவனாகப் பவனி வந்தார். பழமைச் சமுதாயத்தைப் பாட்டால் பண்படுத்திய பெருமை அவருக்கு மட்டுமே உண்டு. அடிமை வாழ்வினரை புரிய உலகு நோக்கி விரைந்துவர அழைத்தார். அவல வாழ்வினருக்கும் அஞ்சாமைத் திறன் ஊட்டினார். “ இருட்டறையில் உள்ள தடா உலகம் சாதி இருக்கின்றது என்பானும் இருக்கின்றானே – வெருட்டுவது பகுத்தறிவு இலையாயின் விடுதலையும் கெடுதலையும் ஒன்றேயாகும் ” என்று குரல் கொடுத்தபிறகுதான் மருட்டுகின்ற மதத் தலைவரை விரட்டுகின்ற வீரமெல்லாம் தமிழ் மக்களுக்கு வந்தது. பாரதிதாசன்! இந்தப் பெயர் தமிழர் தம் நெஞ்சத்தில் இடம் பெற்ற காலம் (18.8.39) முதல் இந்தி எதிர்ப்புப்போராட்டம் கிளர்ந்தெழுந்த நேரம்! “இந்தி எப்பக்கம் வந்து புகுந்துவிடும் எத்தனை பட்டாளம் கூட்டிவரும் தீங்குள்ள இந்தியை நாம் எதிர்ப்போம். பங்கம் விளைந்திடில் உங்கள் தாய்மொழிக்கே பச்சை இரத்தம் ப
Read more