Skip to main content

திருக்குறள் அறுசொல் உரை – 081. பழைமை : வெ. அரங்கராசன்


     01 நவம்பர் 2015      கருத்திற்காக..

attai-kuralarusolurai

02. பொருள் பால்    
11. நட்பு இயல்.
அதிகாரம் 081. பழைமை

பற்பல ஆண்டுகளாய்த் தொடரும்
 பழம்நட்பின் சிறப்புஉரிமை, பெருமை.

  1. பழைமை எனப்படுவ(து) யா(து)?எனின், யாதும்
   கிழமையைக் கீழ்ந்திடா நட்பு.
       எதனாலும் கீழ்மைப்படா நட்புஉரிமை
         பெற்ற நட்பே, பழைமை.    

  1. நட்பிற்(கு) உறுப்புக் கெழுதகைமை; மற்(று)அதற்(கு)
     உப்(பு)ஆதல், சான்றோர் கடன்.

       உப்புபோல், அமையும் உரிமைச்
       செயல்தான் நட்பிற்கு உறுப்பு.
  1. பழகிய நட்(பு)எவன் செய்யும்? கெழுதகைமை
   செய்(து),ஆங்(கு) அமையாக் கடை.

       உரிமையோடு செய்ததை ஏற்காவிட்டால்,
       பழைய நட்புதான், எதற்கு?

  1. விழைதகையான் வேண்டி இருப்பர், கெழுதகையான்,
   கேளாது நட்டார் செயின்.
        உரிமையால் நண்பர் கேளாது
       செய்தாலும், பழம்நண்பர் விரும்புவார்.
      
  1. பேதைமை ஒன்றோ? பெரும்கிழமை என்(று)உணர்க,
     நோதக்க நட்டார் செயின்.
       பழம்நண்பர் செய்த துன்பமும்,
         அறியாமையால், உரிமையால் என்க.

  1. எல்லைக்கண் நின்றார் துறவார், தொலைஇடத்தும்,
     தொல்லைக்கண் நின்றார் தொடர்பு.

       நெடுந்தொலைவில் இருந்தாலும், உச்சநிலை
         நண்பர் நட்பை மறவார்.

  1. அழிவந்த செய்யினும் அன்(பு)அறார், அன்பின்
   வழிவந்த கேண்மை யவர்.

       நண்பர் அழிவே செய்தாலும்,
       அன்புவழி நண்பர், அன்பர்தான்.

  1. கேள்இழுக்கம் கேளாக் கெழுதகைமை வல்லார்க்கு,
     நாள்இழுக்கம் நட்டார் செயின்.
       நண்பரின் தவற்றைக் கேளார்க்கு,
       அந்நண்பர் தவறுநாளும் நல்நாளே.     

  1. கெடாஅ வழிவந்த கேண்மையார், கேண்மை
   விடாஅர்; விழையும் உலகு.

       கெடாது தொடரும் பழம்நட்பை
       விடாதாரை, உலகும் விடாது.

  1. விழையார் விழையப் படுப, பழையார்கண்
   பண்பின் தலைப்பிரியா தார்

       நெடுநாள் நண்பரைப் பண்பால்
       பிரியாரை, விரும்பாரும் விரும்புவார்.
பேராசிரியர் வெ. அரங்கராசன்


Comments

Post a Comment

Popular posts from this blog

எனக்குப் பிடித்த திருக்குறள்! – இரெ. சந்திரமோகன்

Image
அகரமுதல இலக்குவனார் திருவள்ளுவன்         06 மார்ச்சு 2019         கருத்திற்காக.. எனக்குப் பிடித்த திருக்குறள்!      தமிழ்ச் சமுதாயம் நயத்தக்க நாகரிகம் வேண்டும் சமுதாயம்; “யாதும் ஊரே, யாவரும் கேளிர்” என்று “ங” போல் வளைக்கும் சமுதாயம். அதன் ஒப்பற்ற பெருமையைப் பறைசாற்றும் நூற்களுள் மிகச்சிறந்தது தொல்காப்பியம், மற்றும் திருக்குறள் என்பது எனது கருத்து. மனித இனம் படிநிலை வளர்ச்சியில் உருவாகி, உடல் வலுவால் மட்டுமின்றி அறிவு ஆற்றலால் மேம்பட்டது. பல்லாயிரக்கணக்கான ஆண்டுகளாக நடைபெற்று வரும் வாழக்கைப் போராட்டத்தின் விளைவாக மிருகங்களிடம் இருந்து மேம்பட்டு, உயிரினங்கள் அனைத்தையும் பாதுகாக்கும் நிலைக்கு மனிதன் உயர்கின்றான். காலப்போராட்டத்தில் கருத்துக்களால் மேம்பட்ட சமுதாயமாக, உலகைக் காக்கும் சக்தியாக விளங்கும் சொற்களால் உருவான இலக்கியங்கள் கொண்டதால் “தமிழ்மொழி” செம்மொழி என்று உரைக்கப்படுகிறது.     எனக்குப் பிடித்த குறள், அனைவருக்கும் தெரிந்த ஒரு குறள். ஆயினும்  அதில் மறைந்திருக்கும் நுட்...
Read more

பல்துறையில் பசுந்தமிழ் : அறிவியல்தமிழ் 3/8 – கருமலைத்தமிழாழன்

Image
அகரமுதல 18 9, வைகாசி 21, 2048 / சூன் 04 , 2017 இலக்குவனார் திருவள்ளுவன்      04 சூன் 2017       கருத்திற்காக.. (பல்துறையில் பசுந்தமிழ் : அறிவியல்தமிழ் 2/8 –‌ தொடர்ச்சி) பல்துறையில் பசுந்தமிழ் : அறிவியல்தமிழ் 3/8 கவியரங்கக்கவிதை மயில்பொறியை   வானத்தில்   பறக்க   வைத்தோம் மணிபல்லத்   தீவிற்குப்   பறந்து   சென்றோம் குயில்மொழியாள்   கண்ணகியை   அழைத்துச்   செல்லக் குன்றுக்கு   வானஊர்தி   வந்த   தென்றே ‘ உயில் ‘போன்று   நம்முன்னோர்   எழுதி   வைத்த உண்மைகளை   அறிவியலின்   அற்பு  தத்தை பயில்கின்ற   காப்பியத்தில்   படித்த   தெல்லாம் பார்தன்னில்   நனவாகக்   காணு  கின்றோம் ! அணுப்பிளந்த    செய்திதனை   ஔவை   சொன்னால் ...
Read more

செய்யும் தொழிலே தெய்வம் – பட்டுக்கோட்டை கல்யாணசுந்தரம்

Image
செய்யும் தொழிலே தெய்வம் – பட்டுக்கோட்டை கல்யாணசுந்தரம் இலக்குவனார் திருவள்ளுவன்      04 மே 2014       கருத்திற்காக.. - அகரமுதல மே நாள் சிறப்பிதழ்
Read more