வளந்தரும் வாழ்த்து - பொன் தங்கவேலன்

இலக்குவனார் திருவள்ளுவன்      15 சனவரி 2016      கருத்திற்காக..

வளந்தரும் வாழ்த்து

சுண்ணச் சுவர்கள் மின்னலிட
வண்ணக் கோலம் பலவகையாக
மாவிலைத் தோரணம் காற்றாட
மல்லிகைச் சரங்கள் மணந்தாட

கொஞ்சும் புத்தாடை குதுகலமாக
மஞ்சள் இஞ்சி மங்கலமாக
பச்சரிசி பொங்கல் பளபளக்க
கட்டிக் கரும்பு நாவினிக்க

தந்தையும் தாயும் வாழ்த்திட
சிந்தைசீர் மகன்மகள் வணங்கிட
இல்ல மகளிர் யாவருமே
விளக்கேற்றி வருகதிரைத் துதிக்க

உற்றார் உறவினர் ஒன்றுகூடி
பற்றுடன் பொங்கலோ பொங்கலென
தமிழர் திருநாளில் குடும்பமுடன்
தழைத்து வாழ்கநீர் பல்லாண்டே.

. . . தமிழகத்தாய்க்குழு . . .

பொன் தங்கவேலன்

அகரமுதல 116, தை 03, 2047 / சனவரி 17,2016