திருக்குறள் அறுசொல் உரை – வெ. அரங்கராசன்: 017. அழுக்காறாமை

     09 August 2015      No Comment
 arangarasan_thirukkural_arusolurai_attai

 01. அறத்துப் பால்

02.இல்லற இயல்

அதிகாரம்  017. அழுக்காறாமை


பிறரது வளநலங்களைப் பார்த்துப்  
பொறாமை கொள்ளாத அறப்பண்பு..

  1. ஒழுக்(கு)ஆ(று)ஆக் கொள்க, ஒருவன்,தன் நெஞ்சத்(து),
     அழுக்கா(று) இலாத இயல்பு.

       மனத்தாலும், பொறாமை இல்லாத,
       இயல்பை ஒழுக்கநெறியாக் கொள்க.

  1. விழுப்பேற்றின் அஃ(து)ஒப்ப(து) இல்லை,யார் மாட்டும்,
     அழுக்காற்றின் அன்மை பெறின்.

       யாரிடத்தும், பொறாமை கொள்ளாமையே,
       ஈ[டு]இல்லாத சிறப்புப் பே[று]ஆகும்.

  1. அறன்ஆக்கம் வேண்டாதான் என்பான், பிறன்ஆக்கம்,
     பேணா(து) அழுக்கறுப் பான்.

       வளர்ச்சியை வேண்டாதானே, மற்றவர்
       வளர்ச்சிமீது பொறாமை வளர்ப்பான்.

  1. அழுக்காற்றின் அல்லவை செய்யார், இழுக்(கு)ஆற்றின்,
     ஏதம் படுபாக்(கு) அறிந்து.

   பொறாமை தருதீமைகளை அறிந்தார்
   பொறாமையால் தீமைகள் செய்யார்.

  1. அழுக்கா(று) உடையார்க்(கு) அதுசாலும், ஒன்னார்,
     வழுக்கியும் கே(டு)ஈன் பது.

       பொறாமையார் கெடுதற்குப் பொறாமையே
       போதும்; வேறுபகையே வேண்டாம்.
  
  1. கொடுப்ப(து) அழுக்கறுப்பான் சுற்றம், உடுப்பதூஉம்,
     உண்பதூஉம் இன்றிக், கெடும்.

       கொடுப்பதைத் தடுப்பானின், உறவார்க்கும்,
       உணவும், உடையும் கிடைக்கா.

  1. அவ்வித்(து) அழுக்கா(று) உடையானைச், செய்யவள்,
     தவ்வையைக் காட்டி விடும்.

       சீதேவி, பொறாமை உடையானை
       மூதேவியிடம் காட்டிக் கொடுப்பாள்.

  1. “அழுக்கா(று)” எனஒரு பாவி, திருச்செற்றுத்,
     தீஉழி உய்த்து விடும்.

       “பொறாமைப் பாவி” செல்வத்தையும்
       அழிக்கும்; தீவழியிலும் செலுத்தும்.    

  1. அவ்விய நெஞ்சத்தான் ஆக்கமும், செவ்வியான்
     கேடும், நினைக்கப் படும்.

       பொறாமையான் செல்வமும், பொறாமை
       மறந்தான் வறுமையும், மறையும்.

  1. அழுக்கற்(று) அகன்றாரும் இல்லை;அஃ(து) இல்லார்,
     பெருக்கத்தின் தீர்ந்தாரும் இல்.

       பொறாமையால் வளர்ந்தாரும் இல்லை;
     பொறுமையால் தளர்ந்தாரும் இல்லை.
 – பேராசிரியர் வெ. அரங்கராசன்
அகரமுதல 91 ஆடி 24, 2046 / ஆக.09, 2015
 

Comments

Post a Comment

Popular posts from this blog

எனக்குப் பிடித்த திருக்குறள்! – இரெ. சந்திரமோகன்

Image
அகரமுதல இலக்குவனார் திருவள்ளுவன்         06 மார்ச்சு 2019         கருத்திற்காக.. எனக்குப் பிடித்த திருக்குறள்!      தமிழ்ச் சமுதாயம் நயத்தக்க நாகரிகம் வேண்டும் சமுதாயம்; “யாதும் ஊரே, யாவரும் கேளிர்” என்று “ங” போல் வளைக்கும் சமுதாயம். அதன் ஒப்பற்ற பெருமையைப் பறைசாற்றும் நூற்களுள் மிகச்சிறந்தது தொல்காப்பியம், மற்றும் திருக்குறள் என்பது எனது கருத்து. மனித இனம் படிநிலை வளர்ச்சியில் உருவாகி, உடல் வலுவால் மட்டுமின்றி அறிவு ஆற்றலால் மேம்பட்டது. பல்லாயிரக்கணக்கான ஆண்டுகளாக நடைபெற்று வரும் வாழக்கைப் போராட்டத்தின் விளைவாக மிருகங்களிடம் இருந்து மேம்பட்டு, உயிரினங்கள் அனைத்தையும் பாதுகாக்கும் நிலைக்கு மனிதன் உயர்கின்றான். காலப்போராட்டத்தில் கருத்துக்களால் மேம்பட்ட சமுதாயமாக, உலகைக் காக்கும் சக்தியாக விளங்கும் சொற்களால் உருவான இலக்கியங்கள் கொண்டதால் “தமிழ்மொழி” செம்மொழி என்று உரைக்கப்படுகிறது.     எனக்குப் பிடித்த குறள், அனைவருக்கும் தெரிந்த ஒரு குறள். ஆயினும்  அதில் மறைந்திருக்கும் நுட்...
Read more

பல்துறையில் பசுந்தமிழ் : அறிவியல்தமிழ் 3/8 – கருமலைத்தமிழாழன்

Image
அகரமுதல 18 9, வைகாசி 21, 2048 / சூன் 04 , 2017 இலக்குவனார் திருவள்ளுவன்      04 சூன் 2017       கருத்திற்காக.. (பல்துறையில் பசுந்தமிழ் : அறிவியல்தமிழ் 2/8 –‌ தொடர்ச்சி) பல்துறையில் பசுந்தமிழ் : அறிவியல்தமிழ் 3/8 கவியரங்கக்கவிதை மயில்பொறியை   வானத்தில்   பறக்க   வைத்தோம் மணிபல்லத்   தீவிற்குப்   பறந்து   சென்றோம் குயில்மொழியாள்   கண்ணகியை   அழைத்துச்   செல்லக் குன்றுக்கு   வானஊர்தி   வந்த   தென்றே ‘ உயில் ‘போன்று   நம்முன்னோர்   எழுதி   வைத்த உண்மைகளை   அறிவியலின்   அற்பு  தத்தை பயில்கின்ற   காப்பியத்தில்   படித்த   தெல்லாம் பார்தன்னில்   நனவாகக்   காணு  கின்றோம் ! அணுப்பிளந்த    செய்திதனை   ஔவை   சொன்னால் ...
Read more

செய்யும் தொழிலே தெய்வம் – பட்டுக்கோட்டை கல்யாணசுந்தரம்

Image
செய்யும் தொழிலே தெய்வம் – பட்டுக்கோட்டை கல்யாணசுந்தரம் இலக்குவனார் திருவள்ளுவன்      04 மே 2014       கருத்திற்காக.. - அகரமுதல மே நாள் சிறப்பிதழ்
Read more