திருக்குறள் அறுசொல் உரை – வெ. அரங்கராசன்: 012. நடுவு நிலைமை


     09 August 2015      No Comment
arangarasan_thirukkural_arusolurai_attai
01. அறத்துப் பால்
02. இல்லற இயல்
 அதிகாரம் 012. நடுவு நிலைமை

  யாருடைய பக்கமும் சாயாமல்,
   நேர்மையாக நடக்கும் சமநிலை.

  1. தகுதி எனஒன்று நன்றே, பகுதியால்,
   பால்பட்[டு] ஒழுகப் பெறின்.

          அவ்அப் பகுதியார்க்கு ஏற்ப
          நடக்கும் தகுதியே நடுநிலைமை.

  1. செப்பம் உடையவன் ஆக்கம், சிதை(வு)இன்றி,
    எச்சதிற்(கு) ஏமாப்(பு) உடைத்து.

       நடுநிலையார் வளநலம் வழிவழி
       வருவார்க்கும், பாதுகாப்பு ஆம்.

  1. நன்றே தரினும், நடு(வு)இகந்(து)ஆம் ஆக்கத்தை,
   அன்றே ஒழிய விடல்.

        நடுநிலை தவறவரும் வளர்ச்சி
       நன்றாயினும் அன்றே கைவிடுக.

  1. தக்கார், தக(வு)இலர், என்ப(து), அவர்அவர்
     எச்சத்தால் காணப் படும்.

       தகுதியார், தகுதிஇலார் என்பதைப்
       புகழால், பழியால் ஆய்க.

  1. கேடும், பெருக்கமும், இல்அல்ல; நெஞ்சத்துக்
     கோடாமை, சான்றோர்க்(கு) அணி.

       வறுமையோ, வளமையோ, என்றும்
       நடுநிலையே, உயர்ந்தோர்க்கு அழகு.



  1. “கெடுவல்யான்” என்ப(து) அறிக,தன் நெஞ்சம்
   நடுஒரீஇ, அல்ல செயின்.

       நடுநிலைமை தவறிக் கெடுதி
       செய்தால், “கெடுவேன்”என நினை.

  1. கெடுஆக வையா(து) உலகம், நடுஆக,
   நன்றிக்கண் தங்கியான் தாழ்வு.

       நடுநிலையார் தாழ்வைக், கெடுதிஎன,
       உயர்ந்தார் என்றும் கருதார்.

  1. சமன்செய்து, சீர்தூக்கும் கோல்போல், அமைந்(து),ஒருபால்
    கோடாமை, சான்றோர்க்(கு) அணி.

       தராசு முள்போல், மனம்சாயா
       நடுநிலையே, மேலோர்க்கு அழகு.

  1. சொல்கோட்டம் இல்லது செப்பம், ஒருதலைஆ,
   உள்கோட்டம் இன்மை பெறின்.

       உள்கோணல், சொல்கோணல், இல்லாமையே,
        உறுதிமிகு நடுநிலைப் பேணல்.   

  1. வாணிகம் செய்வார்க்கு, வாணிகம் பேணிப்,
     பிறவும், தமபோல் செயின்.

         “பிறரது பொருளும், தம்பொருளும்
         சமம்”எனச் செய்தலே வாணிகம்
– பேராசிரியர் வெ. அரங்கராசன்
அகரமுதல 91 ஆடி 24, 2046 / ஆக.09, 2015
 

Comments

Post a Comment

Popular posts from this blog

எனக்குப் பிடித்த திருக்குறள்! – இரெ. சந்திரமோகன்

Image
அகரமுதல இலக்குவனார் திருவள்ளுவன்         06 மார்ச்சு 2019         கருத்திற்காக.. எனக்குப் பிடித்த திருக்குறள்!      தமிழ்ச் சமுதாயம் நயத்தக்க நாகரிகம் வேண்டும் சமுதாயம்; “யாதும் ஊரே, யாவரும் கேளிர்” என்று “ங” போல் வளைக்கும் சமுதாயம். அதன் ஒப்பற்ற பெருமையைப் பறைசாற்றும் நூற்களுள் மிகச்சிறந்தது தொல்காப்பியம், மற்றும் திருக்குறள் என்பது எனது கருத்து. மனித இனம் படிநிலை வளர்ச்சியில் உருவாகி, உடல் வலுவால் மட்டுமின்றி அறிவு ஆற்றலால் மேம்பட்டது. பல்லாயிரக்கணக்கான ஆண்டுகளாக நடைபெற்று வரும் வாழக்கைப் போராட்டத்தின் விளைவாக மிருகங்களிடம் இருந்து மேம்பட்டு, உயிரினங்கள் அனைத்தையும் பாதுகாக்கும் நிலைக்கு மனிதன் உயர்கின்றான். காலப்போராட்டத்தில் கருத்துக்களால் மேம்பட்ட சமுதாயமாக, உலகைக் காக்கும் சக்தியாக விளங்கும் சொற்களால் உருவான இலக்கியங்கள் கொண்டதால் “தமிழ்மொழி” செம்மொழி என்று உரைக்கப்படுகிறது.     எனக்குப் பிடித்த குறள், அனைவருக்கும் தெரிந்த ஒரு குறள். ஆயினும்  அதில் மறைந்திருக்கும் நுட்...
Read more

பல்துறையில் பசுந்தமிழ் : அறிவியல்தமிழ் 3/8 – கருமலைத்தமிழாழன்

Image
அகரமுதல 18 9, வைகாசி 21, 2048 / சூன் 04 , 2017 இலக்குவனார் திருவள்ளுவன்      04 சூன் 2017       கருத்திற்காக.. (பல்துறையில் பசுந்தமிழ் : அறிவியல்தமிழ் 2/8 –‌ தொடர்ச்சி) பல்துறையில் பசுந்தமிழ் : அறிவியல்தமிழ் 3/8 கவியரங்கக்கவிதை மயில்பொறியை   வானத்தில்   பறக்க   வைத்தோம் மணிபல்லத்   தீவிற்குப்   பறந்து   சென்றோம் குயில்மொழியாள்   கண்ணகியை   அழைத்துச்   செல்லக் குன்றுக்கு   வானஊர்தி   வந்த   தென்றே ‘ உயில் ‘போன்று   நம்முன்னோர்   எழுதி   வைத்த உண்மைகளை   அறிவியலின்   அற்பு  தத்தை பயில்கின்ற   காப்பியத்தில்   படித்த   தெல்லாம் பார்தன்னில்   நனவாகக்   காணு  கின்றோம் ! அணுப்பிளந்த    செய்திதனை   ஔவை   சொன்னால் ...
Read more

செய்யும் தொழிலே தெய்வம் – பட்டுக்கோட்டை கல்யாணசுந்தரம்

Image
செய்யும் தொழிலே தெய்வம் – பட்டுக்கோட்டை கல்யாணசுந்தரம் இலக்குவனார் திருவள்ளுவன்      04 மே 2014       கருத்திற்காக.. - அகரமுதல மே நாள் சிறப்பிதழ்
Read more