Skip to main content

என் பா ! – க.தமிழமல்லன்


அகரமுதல 135, வைகாசி 09, 2047 மே 22 , 2016

     22 மே 2016      கருத்திற்காக..
தலைப்பு-என்பா, க.தமிழமல்லன் : thalaippu_en_paa_thamizhamallan

என் பா !

இயற்றுகின்ற என்பாக்கள்
எதுகை மோனை
இயல்பாக அமைந்திருக்கும்
இன்பப் பாக்கள்!
வயல்வெளியில் விளைந்திருக்கும்
பயிரைப் போல,
வலிமைதரும் வளமைதரும்
படிப்போர்க் கெல்லாம்!
குயவன்செய் பாண்டமல்ல
கருக்கா வெள்ளி!
குடங்குடமாய்த் தங்கத்தை
உருக்கி வார்த்த
உயர்அணிகள் எனும்வைரம்
பதித்த பாக்கள்!
உயர்எண்ணம் அழகாக
ஒளிரும் பாக்கள்!
குமுகாய மீட்சிகளைக்
கூறும் பாக்கள்,
கொடியோரின் தீப்போக்கைக்
குட்டும் பாக்கள்!
அமுங்கிவரும் அடித்தட்டு
மக்கள் நன்மை
அடைதற்கு முழக்கமிடும்
அன்பு வெள்ளம்!
உமிமூட்டை அடுக்கிவைத்தே
அரிசி என்பார்!
உதவாத சொல்லடுக்கிப்
பாக்கள் என்பார்!
தமிழ்க்கொலையைச் செய்வதையே
பணிகள் என்பார்!
தவறான அக்கொடுமை
தள்ளும் பாக்கள்!
உள்ளத்தை ஈர்க்கின்ற
ஆற்றல், தீமை
உடைக்கின்ற பாடுபொருள்!
யாப்பிற் சீர்மை
வெள்ளம்போல் நடந்தோடும்
புரட்சிப் பாக்கள்!
வெல்லாத மக்களுக்கும்
பரிசாய் வெற்றி
அள்ளித்தான் வழங்குகின்ற
அருமைப் பாக்கள்!
குள்ளங்கள் தனித்தமிழைக்
குற்றஞ் சொல்லும்!
குறைமதியார் தெளிவடைய
உதவும் பாக்கள்!
கொள்கைவளம்,சொற்றுாய்மை
அளையும் பாகு!
நம்மொழிக்கு நன்கொடையாய்
நான்ப டைத்த
நலப்பாக்கள், யாப்பறிஞர்
போற்றும் தங்கம்!
செம்மொழிக்குப் பின்னாளில்
பாவி யங்கள்
சேர்த்தளிக்கும் வரலாறே
என்றன் பாக்கள்!
அம்மாவின் தாய்ப்பாலாய்த்
துாய்மை யான,
அன்பருளைப் பொதிந்தபாக்கள்!
என்றும் நல்லோர்
தம்மாய்வால் மதிப்புரைக்கும்
அழகுப் பூக்கள்!
தமிழமல்லன் பாவெல்லாம்
தடம்ப திக்கும்!
முனைவர் க.தமிழமல்லன்

Comments

Post a Comment

Popular posts from this blog

எனக்குப் பிடித்த திருக்குறள்! – இரெ. சந்திரமோகன்

Image
அகரமுதல இலக்குவனார் திருவள்ளுவன்         06 மார்ச்சு 2019         கருத்திற்காக.. எனக்குப் பிடித்த திருக்குறள்!      தமிழ்ச் சமுதாயம் நயத்தக்க நாகரிகம் வேண்டும் சமுதாயம்; “யாதும் ஊரே, யாவரும் கேளிர்” என்று “ங” போல் வளைக்கும் சமுதாயம். அதன் ஒப்பற்ற பெருமையைப் பறைசாற்றும் நூற்களுள் மிகச்சிறந்தது தொல்காப்பியம், மற்றும் திருக்குறள் என்பது எனது கருத்து. மனித இனம் படிநிலை வளர்ச்சியில் உருவாகி, உடல் வலுவால் மட்டுமின்றி அறிவு ஆற்றலால் மேம்பட்டது. பல்லாயிரக்கணக்கான ஆண்டுகளாக நடைபெற்று வரும் வாழக்கைப் போராட்டத்தின் விளைவாக மிருகங்களிடம் இருந்து மேம்பட்டு, உயிரினங்கள் அனைத்தையும் பாதுகாக்கும் நிலைக்கு மனிதன் உயர்கின்றான். காலப்போராட்டத்தில் கருத்துக்களால் மேம்பட்ட சமுதாயமாக, உலகைக் காக்கும் சக்தியாக விளங்கும் சொற்களால் உருவான இலக்கியங்கள் கொண்டதால் “தமிழ்மொழி” செம்மொழி என்று உரைக்கப்படுகிறது.     எனக்குப் பிடித்த குறள், அனைவருக்கும் தெரிந்த ஒரு குறள். ஆயினும்  அதில் மறைந்திருக்கும் நுட்...
Read more

பல்துறையில் பசுந்தமிழ் : அறிவியல்தமிழ் 3/8 – கருமலைத்தமிழாழன்

Image
அகரமுதல 18 9, வைகாசி 21, 2048 / சூன் 04 , 2017 இலக்குவனார் திருவள்ளுவன்      04 சூன் 2017       கருத்திற்காக.. (பல்துறையில் பசுந்தமிழ் : அறிவியல்தமிழ் 2/8 –‌ தொடர்ச்சி) பல்துறையில் பசுந்தமிழ் : அறிவியல்தமிழ் 3/8 கவியரங்கக்கவிதை மயில்பொறியை   வானத்தில்   பறக்க   வைத்தோம் மணிபல்லத்   தீவிற்குப்   பறந்து   சென்றோம் குயில்மொழியாள்   கண்ணகியை   அழைத்துச்   செல்லக் குன்றுக்கு   வானஊர்தி   வந்த   தென்றே ‘ உயில் ‘போன்று   நம்முன்னோர்   எழுதி   வைத்த உண்மைகளை   அறிவியலின்   அற்பு  தத்தை பயில்கின்ற   காப்பியத்தில்   படித்த   தெல்லாம் பார்தன்னில்   நனவாகக்   காணு  கின்றோம் ! அணுப்பிளந்த    செய்திதனை   ஔவை   சொன்னால் ...
Read more

செய்யும் தொழிலே தெய்வம் – பட்டுக்கோட்டை கல்யாணசுந்தரம்

Image
செய்யும் தொழிலே தெய்வம் – பட்டுக்கோட்டை கல்யாணசுந்தரம் இலக்குவனார் திருவள்ளுவன்      04 மே 2014       கருத்திற்காக.. - அகரமுதல மே நாள் சிறப்பிதழ்
Read more