அகரமுதல 129, சித்திரை 04, 2047 / ஏப்பிரல் 17,2016

உன்புகழ் பதித்தேன்! -கெர்சோம்செல்லையா

இலக்குவனார் திருவள்ளுவன்      17 ஏப்பிரல் 2016      கருத்திற்காக..

அருவிக்கரை

அன்று கண்ட அருவிக்கரையே!
பஃறுளி ஆறாய்ப் பாய்ந்து வந்தாய்;
படைத்தவர் தந்த அழகில் மிதந்தாய்.
வறுமை நீக்கி வாழ்வே தந்தாய்;
வட்டாற்றில் கோதையுட் புகுந்தாய்!
சிறுவனாக உன்மேல் குதித்தேன்;
சீரிய உந்தன் அழகை மதித்தேன்.
வெறுமை இன்று வீழ்த்தாதிருக்க,
விண்ணினீவே, உன்புகழ் பதித்தேன்!

-கெர்சோம்செல்லையா