அகரமுதல 183, சித்திரை 10, 2048 / ஏப்பிரல் 23, 2017

(திருக்குறள் அறுசொல் உரை : 123. பொழுது கண்டு இரங்கல் தொடர்ச்சி)

திருக்குறள் அறுசொல் உரை

15.கற்பு இயல்

பிரிவைப் பொறாத தலைவியது

கண்,தோள் நெற்றிஅழகு கெடுதல்.

(01-07 தலைவி சொல்லியவை) .

நறுமலர் நாணின கண்.
பிரிவால் அழகுஇழந்த கண்கள்,
அழகுக்குவளை கண்டு வெட்கும்.

பசந்து பனிவாரும் கண்.
நிறம்மாறி நீர்சிந்தும் கண்கள்,
பிரிவுத்துயரைச் சொல்லுவ போலும்.

மணந்தநாள் வீங்கிய தோள்.
கூடலில் பருத்த தோள்கள்
மெலிவது, பிரிவை அறிவிக்கவோ?

தொல்கவின் வாடிய தோள்.
பிரிவால், தோள்களும் அழகினை
இழக்கும்; வலையல்களும், கழலும்.

தொல்கவின் வாடிய தோள்.
வளையல்களும், வாடும் தோள்களும்,
காதலரின் கொடுமையைக் கூறும்.

கொடியர் எனக்கூறல் நொந்து.
வளையல்,தோள் நெகிழக் கண்டோர்,
அவரைப் பழிப்பதால் வருந்துவேன்.

வாடுதோள் பூசல் உரைத்து.
தோள்மெலிவுத் துயரை, அவர்க்குக்
கூறி, நெஞ்சே! பெருமைப்படுதியோ?

(08-10 தலைவன் சொல்லியவை)

பைந்தொடிப் பேதை நுதல்.
தழுவும் கைகளைத் தளர்த்தியதும்,
தலைவி நெற்றியில் பசலை.

பேதை பெருமழைக் கண்.
அணைப்பிடைக் குளிர்ந்த காற்று
புகுந்ததும், கண்களில் நிறமாற்றம்.

ஒள்நுதல் செய்தது கண்டு.
நெற்றியின் பசலையைக் கண்டு,
கண்களின் பசலை துன்புற்றது.

பேரா.வெ.அரங்கராசன்

இலக்கியம் - literature