தாயே, தமிழே! – தாராபாரதி

அகரமுதல 168,  மார்கழி 24, 2047 / சனவரி 08, 2017

இலக்குவனார் திருவள்ளுவன்      08 சனவரி 2017      கருத்திற்காக..

தாயே, தமிழே!

நினைவாலும் கனவாலும்
எனையாளும் தமிழ் மகளே!
திணைமாவைவிட இனிக்கும்
தேமாவும் புளிமாவும்
பனையோலை யில்கண்டு
பதநீர் குடித்தவளே!
உயிரே! மெய்யே!
உயிர்மெய்யாய் இருப்பவளே!
தமிழே, உனக்கு
உயிர் – மெய்யாய் இருக்கிறதா?
குற்றுயிராய்க் கிடப்பவளே
ஊசலாடும்
குறையுயிரில் வாழ்பவளே
சிற்றுயிரைத் தந்துன்னை
எழுப்புதற்கு
சிலிர்த்திருக்கும் உன் மக்கள்
சிறுத்தைக் கூட்டம்!

– கவிஞர் தாராபாரதி