வ.உ.சிதம்பரனாரின் மெய்யறம் 42(2.12).வெண்மை யொழித்தல்

மெய்யறம்
இல்வாழ்வியல்

வெண்மை என்பது அறிவினை விடுத்த தன்மை;

மேலும் ஒருவன் தான் அறிவுடையவன் என்று கர்வத்தோடு எண்ணுதல்;

மேலும் மற்றவர்களுக்குக் கொடுக்க வேண்டிய சமயத்தில் கொடுக்காமல் கருமியாக இருத்தல்;

மேலும் தவறு செய்பவர்களை நெருங்கிய உறவினராகக் கொள்ளுதல்;

மேலும் தாம் படிக்காத நூல்களைப் படித்தவர் போலக் காட்டுதல்;

மேலும் மனத்தில் வைத்துக் காக்க வேண்டிய இரகசியத்தை வெளியிட்டுத் தனக்குத் துன்பத்தைத் தேடிக்கொள்ளுதல்;

மேலும் ஒருவனுக்கு நன்மை தருவனவற்றைப் பிறர் எடுத்துக் கூறினாலும் செய்யத் தவறுதல்;

மேலும் உலகில் ‘அருள்’ (இறைவன்) என்று ஒன்று இல்லை என்று மறுத்தல் ஆகியவை ஆகும்.

இழிவானவற்றுள் இழிவானது அறிவில்லாமையே ஆகும்.

மேன்மை பொருந்திய நூல்களின் துணையுடன் அறிவின்மையை நீக்க வேண்டும்.

– அறிஞர், செம்மல் வ.உ.சிதம்பரனார்

இலக்கியம் - literature