திருக்குறள் அறுசொல் உரை – வெ. அரங்கராசன்: 010. இனியவை கூறல்
01. அறத்துப் பால்
02. இல்லற இயல்
அதிகாரம் 010. இனியவை கூறல்
கேட்பவர் மனமும் மகிழும்படி,
இனியநல் சொற்களைக் கூறுதல்.
- இன்சொலால், ஈரம் அளைஇப், படி(று)இலஆம்,
இரக்க[ம்உ]ள்ள, பொய்இல்லா இன்சொல்,
அறத்தை ஆராய்ந்தார் வாய்ச்சொல்.
- அகன்அமர்ந்(து), ஈதலின் நன்றே, முகன்அமர்ந்(து),
மனம்மகிழ்ந்து ஈதலைவிட, முகம்மலர்ந்து
இன்சொல் சொல்லல் நன்று.
- முகத்தான் அமர்ந்(து),இனிது நோக்கி, அகத்தான்ஆம்,
முகமலர்ச்சியோடு பார்த்து, மனத்தால்
இன்சொல் சொல்லலே அறம்.
- துன்(பு)உறூஉம் துவ்வாமை, இல்ஆகும், யார்மாட்டும்,
இன்பந்தரும் இன்சொல் சொல்வார்க்குத்
துன்பந்தரும் வறுமையே இல்லை.
- பணி(வு)உடையன், இன்சொலன் ஆதல், ஒருவற்(கு)
பணிவும், இன்சொல்லும் ஒருவர்க்கு
அணிநகைகளைக் காட்டிலும் அழகு.
- அல்லவை தேய, அறம்பெருகும், நல்லவை
நல்லன, இனியன, சொல்லின்,
தீயன அருகும்; அறம்பெருகும்.
- நயன்ஈன்று, நன்றி பயக்கும், பயன்ஈன்று,
பண்பான இன்சொற்கள், விருப்பமும்,
நன்மையும், இன்பமும் நல்கும்.
- சிறுமையுள் நீங்கிய இன்சொல், மறுமையும்,
சிறுமை கலவாத இன்சொற்கள்,
எப்பிறப்பிலும், இன்பமே தரும்.
- இன்சொல், இனி[து]ஈன்றல் காண்பான், எவன்கொலோ,
இன்சொற்கள், இனிமை தருவது
கண்டும், கடும்சொற்கள் எதற்கு….?
- இனிய உளஆக, இன்னாத கூறல்,
இன்பச்சொல் இருக்கத், துன்பச்சொல்
சொல்லல், கனிஇருக்கக், காய்ப்பறிபோல்.
– பேராசிரியர் வெ. அரங்கராசன்
Comments
Post a Comment