திருக்குறள் அறுசொல் உரை – வெ. அரங்கராசன்: 005. இல்வாழ்க்கை

     26 July 2015      No Comment

 

001 அறத்துப் பால்

01 இல்லற இயல்

      அதிகாரம்  005. இல்வாழ்க்கை

   குடும்ப வாழ்க்கையின் கடமைகளும்,
       அரும்பெரும் பொறுப்புக்களும், சிறப்புக்களும்.

  1. இல்வாழ்வான் என்பான், இயல்(பு)உடைய மூவர்க்கும்,
     நல்ஆற்றின் நின்ற துணை.

       பெற்றார், மனைவி, மக்களுக்கு,
       இல்வாழ்வான் நவவழித் துணைவன்.

  1. துறந்தார்க்கும், துவ்வா தவர்க்கும், இறந்தார்க்கும்,
     இல்வாழ்வான் என்பான் துணை.

       துறவியார், வறியார், ஆதரவிலார்க்கு,
       இல்வாழ்வான் நல்ல துணைவன்.

  1. தென்புலத்தார், தெய்வம், விருந்(து),ஒக்கல், தான்,என்(று)ஆங்(கு),
   ஐம்புலத்(து)ஆ(று) ஓம்பல் தலை.

       முன்னோர், தெய்வம், விருந்து, உறவோடு
       தன்னையும் இல்வாழ்வான் காக்க

  1. பழிஅஞ்சிப், பாத்(து)ஊண் உடைத்(து)ஆயின், வாழ்க்கை,
     வழிஎஞ்சல் எஞ்ஞான்றும் இல்.

       பங்கிட்டு உண்பானது இல்வாழ்வில்
       எப்போதும் வருதுயர் இல்லை.

  1. அன்பும், அறனும் உடைத்(து)ஆயின், இல்வாழ்க்கை,
   பண்பும், பயனும் அது.

       அன்பும், அறனுமே, இல்வாழ்வின்,
       பண்பும், பயனும் ஆகும்.  



  1. அறத்(து)ஆற்றின், இல்வாழ்க்கை ஆற்றின், புறத்(து)ஆற்றின்,
    போஒய்ப் பெறுவ(து) எவன்?
       அறவழி இல்வாழ்வில் பெறுவதினும்
       பிறவற்றில் பெறுவது என்?

  1. இயல்பினான், இல்வாழ்க்கை வாழ்பவன் என்பான்,
     முயல்வாருள் எல்லாம் தலை.

       இயல்பாய் இல்வாழ்வான், பிறவற்றை
       முயல்வார் எல்லாருள்ளும் தலைமையன்.

  1. ஆற்றின் ஒழுக்கி, அறன்இழுக்கா இல்வாழ்க்கை,
   நோற்பாரின், நோன்மை உடைத்து.
       அறவழி தவறா இல்வாழ்க்கை,
       தவத்தினும் வலிமை உடையது.

  1. ”அறன்எனப் பட்டதே” இல்வாழ்க்கை; அஃதும்,
   பிறன்பழிப்ப(து) இல்ஆயின் நன்று

       பிறர்தம் பழிப்புக்கு உள்ஆகா
       இல்வாழ்வே, அறம்நிறை நல்வாழ்வு.

  1. வையத்துள், வாழ்வாங்கு வாழ்பவன், வான்உறையும்
     தெய்வத்துள், வைக்கப் படும்.

       பூஉலகில் அறமுறைப்படி இல்வாழ்வான்,        
         வான்உலகில் தெய்வம் ஆவான்.
– பேராசிரியர் வெ. அரங்கராசன்


அகரமுதல 89,ஆடி 10, 2046 / சூலை 26, 2015

Comments

Post a Comment

Popular posts from this blog

எனக்குப் பிடித்த திருக்குறள்! – இரெ. சந்திரமோகன்

Image
அகரமுதல இலக்குவனார் திருவள்ளுவன்         06 மார்ச்சு 2019         கருத்திற்காக.. எனக்குப் பிடித்த திருக்குறள்!      தமிழ்ச் சமுதாயம் நயத்தக்க நாகரிகம் வேண்டும் சமுதாயம்; “யாதும் ஊரே, யாவரும் கேளிர்” என்று “ங” போல் வளைக்கும் சமுதாயம். அதன் ஒப்பற்ற பெருமையைப் பறைசாற்றும் நூற்களுள் மிகச்சிறந்தது தொல்காப்பியம், மற்றும் திருக்குறள் என்பது எனது கருத்து. மனித இனம் படிநிலை வளர்ச்சியில் உருவாகி, உடல் வலுவால் மட்டுமின்றி அறிவு ஆற்றலால் மேம்பட்டது. பல்லாயிரக்கணக்கான ஆண்டுகளாக நடைபெற்று வரும் வாழக்கைப் போராட்டத்தின் விளைவாக மிருகங்களிடம் இருந்து மேம்பட்டு, உயிரினங்கள் அனைத்தையும் பாதுகாக்கும் நிலைக்கு மனிதன் உயர்கின்றான். காலப்போராட்டத்தில் கருத்துக்களால் மேம்பட்ட சமுதாயமாக, உலகைக் காக்கும் சக்தியாக விளங்கும் சொற்களால் உருவான இலக்கியங்கள் கொண்டதால் “தமிழ்மொழி” செம்மொழி என்று உரைக்கப்படுகிறது.     எனக்குப் பிடித்த குறள், அனைவருக்கும் தெரிந்த ஒரு குறள். ஆயினும்  அதில் மறைந்திருக்கும் நுட்...
Read more

பல்துறையில் பசுந்தமிழ் : அறிவியல்தமிழ் 3/8 – கருமலைத்தமிழாழன்

Image
அகரமுதல 18 9, வைகாசி 21, 2048 / சூன் 04 , 2017 இலக்குவனார் திருவள்ளுவன்      04 சூன் 2017       கருத்திற்காக.. (பல்துறையில் பசுந்தமிழ் : அறிவியல்தமிழ் 2/8 –‌ தொடர்ச்சி) பல்துறையில் பசுந்தமிழ் : அறிவியல்தமிழ் 3/8 கவியரங்கக்கவிதை மயில்பொறியை   வானத்தில்   பறக்க   வைத்தோம் மணிபல்லத்   தீவிற்குப்   பறந்து   சென்றோம் குயில்மொழியாள்   கண்ணகியை   அழைத்துச்   செல்லக் குன்றுக்கு   வானஊர்தி   வந்த   தென்றே ‘ உயில் ‘போன்று   நம்முன்னோர்   எழுதி   வைத்த உண்மைகளை   அறிவியலின்   அற்பு  தத்தை பயில்கின்ற   காப்பியத்தில்   படித்த   தெல்லாம் பார்தன்னில்   நனவாகக்   காணு  கின்றோம் ! அணுப்பிளந்த    செய்திதனை   ஔவை   சொன்னால் ...
Read more

செய்யும் தொழிலே தெய்வம் – பட்டுக்கோட்டை கல்யாணசுந்தரம்

Image
செய்யும் தொழிலே தெய்வம் – பட்டுக்கோட்டை கல்யாணசுந்தரம் இலக்குவனார் திருவள்ளுவன்      04 மே 2014       கருத்திற்காக.. - அகரமுதல மே நாள் சிறப்பிதழ்
Read more