25. நடுவு நிலைமை

நடுவு நிலைமை என்பது பாரபட்சம் பார்க்காத தன்மை ஆகும்.

பிற உயிர்கள் நடுங்குமாறு செய்வது நடுவின்மை ஆகும்.

அறமாகிய பொருளின் மையமாக விளங்குவது நடுவு நிலைமை ஆகும்.

எல்லா அறங்களுக்கும் அடிப்படை நடுவு நிலைமையி நிற்றலே ஆகும்.

நடுவு நிலைமையில் இருந்து சிறிதளவேனும் மாறுவது அறத்தை எல்லாம் அழித்துவிடும்.

நடுவு நிலைமையில் நிற்பவர் எல்லா நலங்களையும் பெறுவார்கள்.

நடுவு நிலைமையில் நிற்பவரை இந்த உலகம் ஒரு நாளும் கைவிடாது.

நடுவு நிலைமை நீங்கியவர் அழிந்து போவது உறுதி.

நடுவு நிலைமை நீங்கியவர் நரகத்தில் வீழ்வார்கள்.

ஆதலால் நடுவு நிலைமையில் உறுதியாக நிற்றல் வேண்டும்.

– வ.உ.சிதம்பரனார்

இலக்கியம் - literature