Skip to main content

தமிழ்ப்பாட்டை உயர்த்தி வெல்வோம்! – கவிக்கோ துரை வசந்தராசன்

அகரமுதல 219, மார்கழி 16 - மார்கழி 22,  2048 /   திசம்பர் 31  – சனவரி06, 2018 

      31 திசம்பர் 2017      கருத்திற்காக..

தமிழ்ப்பாட்டை உயர்த்தி வெல்வோம்!


தண்ணீரின் நரையைத்தான் பனியே என்பேன்!
தாவரங்கள் தலைநரைப்பைப் பூக்க ளென்பேன்!
கண்ணீரின் நரையைத்தான் நெருப்பே என்பேன்!
காற்றுக்குள் நரைவிழுந்தால் புயலே என்பேன்!
மண்நரையைத் தரிசென்பேன்! மலட்டு வான
மனநரையைத் துறவென்பேன்! புழுக்கம் உண்ட
விண்நரையை வெண்மேக மென்ற ழைப்பேன்!
வெளிச்சத்தின் நரைதானே இருட்டே என்பேன்!
சொல்நரையை இழிவென்பேன்! சோகம் தின்னும்
சுகம்நரைத்தால் பிணியென்பேன்!பல்ந ரைபோல்
வில்நரைத்தால் என்னென்பேன் ? கோழை யென்பேன்!
விழுமழையின் நரையைத்தான் வாடை யென்பேன்
அல்நரையை ஔியென்பேன் ! ஏழை வீட்டு
அடுப்புக்குள் எழும்நரையை வறுமை யென்பேன்!
புல்நரையைக் கோலென்பேன்.!பற்றிக் கொள்ளும்
புன்னகைதான் சோகத்தின் நரையே யென்பேன்!
நதிநரையை என்னென்பீர் ? மணலே என்பேன்!
நரைவிழுந்த மானுடத்தை நசுக்கப் பார்க்கும்
மதநரையை என்னென்பீர் ? மனித மென்றா?
மதுநரையைப் போதையென்றீர் !ஏற்றி ஏற்றி
புதுநரையாய் இளமையினை நுரைக்க விட்டு
புன்னகைக்குள் இளநரையைப் புகுத்தி னோரே
எதுநரைத்தும் தான்நரைக்கா தமிழ்மட் டும்தான்
எப்போதும் நமைநிறைக்கும் தாய்ப்பால் என்பேன்!
நரம்புகளில் தன்மானப் பயிர்வ ளர்ப்போம்!
நரைக்காத விதைச்சொல்லால் வயல்நி றைப்போம்!
வரப்புகளே இல்லாத வயல மைப்போம்!
வரம்புகளைத் தள்ளிவைத்தும் வழிகள் செய்வோம்!
நிரம்பாத பக்கமெலாம் தமிழ்வே தத்தை
நிரப்பிவைப்போம் !நெஞ்சுக்குள் நிறுத்தி வைப்போம்!
உரம்போட்டும் இனம்வளர்ப்போம்! வாய்மை காப்போம்!
உயிர்ப்பாட்டாய்த் தமிழ்ப்பாட்டை உயர்த்தி வெல்வோம்!
கவிக்கோ துரை வசந்தராசன்
அமைப்பாளர்
பண்ணைத்தமிழ்ச்சங்கம்
பாவேந்தர் இல்லம்
34/11 மூன்றாவது வீதி
வங்கிக்குடியிருப்பு
மாதவரம் பால்பண்ணை
சென்னை —- 6000051

Comments

Post a Comment

Popular posts from this blog

எனக்குப் பிடித்த திருக்குறள்! – இரெ. சந்திரமோகன்

Image
அகரமுதல இலக்குவனார் திருவள்ளுவன்         06 மார்ச்சு 2019         கருத்திற்காக.. எனக்குப் பிடித்த திருக்குறள்!      தமிழ்ச் சமுதாயம் நயத்தக்க நாகரிகம் வேண்டும் சமுதாயம்; “யாதும் ஊரே, யாவரும் கேளிர்” என்று “ங” போல் வளைக்கும் சமுதாயம். அதன் ஒப்பற்ற பெருமையைப் பறைசாற்றும் நூற்களுள் மிகச்சிறந்தது தொல்காப்பியம், மற்றும் திருக்குறள் என்பது எனது கருத்து. மனித இனம் படிநிலை வளர்ச்சியில் உருவாகி, உடல் வலுவால் மட்டுமின்றி அறிவு ஆற்றலால் மேம்பட்டது. பல்லாயிரக்கணக்கான ஆண்டுகளாக நடைபெற்று வரும் வாழக்கைப் போராட்டத்தின் விளைவாக மிருகங்களிடம் இருந்து மேம்பட்டு, உயிரினங்கள் அனைத்தையும் பாதுகாக்கும் நிலைக்கு மனிதன் உயர்கின்றான். காலப்போராட்டத்தில் கருத்துக்களால் மேம்பட்ட சமுதாயமாக, உலகைக் காக்கும் சக்தியாக விளங்கும் சொற்களால் உருவான இலக்கியங்கள் கொண்டதால் “தமிழ்மொழி” செம்மொழி என்று உரைக்கப்படுகிறது.     எனக்குப் பிடித்த குறள், அனைவருக்கும் தெரிந்த ஒரு குறள். ஆயினும்  அதில் மறைந்திருக்கும் நுட்...
Read more

பல்துறையில் பசுந்தமிழ் : அறிவியல்தமிழ் 3/8 – கருமலைத்தமிழாழன்

Image
அகரமுதல 18 9, வைகாசி 21, 2048 / சூன் 04 , 2017 இலக்குவனார் திருவள்ளுவன்      04 சூன் 2017       கருத்திற்காக.. (பல்துறையில் பசுந்தமிழ் : அறிவியல்தமிழ் 2/8 –‌ தொடர்ச்சி) பல்துறையில் பசுந்தமிழ் : அறிவியல்தமிழ் 3/8 கவியரங்கக்கவிதை மயில்பொறியை   வானத்தில்   பறக்க   வைத்தோம் மணிபல்லத்   தீவிற்குப்   பறந்து   சென்றோம் குயில்மொழியாள்   கண்ணகியை   அழைத்துச்   செல்லக் குன்றுக்கு   வானஊர்தி   வந்த   தென்றே ‘ உயில் ‘போன்று   நம்முன்னோர்   எழுதி   வைத்த உண்மைகளை   அறிவியலின்   அற்பு  தத்தை பயில்கின்ற   காப்பியத்தில்   படித்த   தெல்லாம் பார்தன்னில்   நனவாகக்   காணு  கின்றோம் ! அணுப்பிளந்த    செய்திதனை   ஔவை   சொன்னால் ...
Read more

செய்யும் தொழிலே தெய்வம் – பட்டுக்கோட்டை கல்யாணசுந்தரம்

Image
செய்யும் தொழிலே தெய்வம் – பட்டுக்கோட்டை கல்யாணசுந்தரம் இலக்குவனார் திருவள்ளுவன்      04 மே 2014       கருத்திற்காக.. - அகரமுதல மே நாள் சிறப்பிதழ்
Read more