காலத்தின் குறள் பெரியார் : 3 – ச.ச.வேலரசு (எ) தமிழரசன்
(காலத்தின் குறள் பெரியார் :2 – ச.ச.வேலரசு (எ) தமிழரசன் தொடர்ச்சி)
காலத்தின் குறள் பெரியார்
அதிகாரம் 3. வள்ளுவர் வாழ்த்து.
- அறம்பொருள் காமம் பகுத்துத் தொகுத்த
திறமதைப் போற்றும்இப் பார்.
- அரும்பாவாய் அஃதும் அறப்பாவாய் ஈந்து
பெரும்பேறாய் வாய்த்தாரைப் பேண்.
- குறும்பா குறள்வெண்பா கொண்டுநாம் உய்யப்
பெரும்பா உரைத்தாரைப் பேண்.
- வள்ளுவப் பேராசான் வாய்மொழி வையகம்
உள்ளவரை வாழும் நிலைத்து.
- மானுடம் தான்சுவைக்கத் தேன்குடம் கொண்டுவந்த
மானுடன் வள்ளுவனை வாழ்த்து.
6. ஒன்றேமுக் காலடியில் வாழ்வளந்தான் வெற்றியை
இன்றுவரை வென்றதுயார் இல்.
- ஆருரைத்தார் வள்ளுவன்போல் கேட்டே வழிமொழிந்து
பாருரைக்க நாம்பரப்பு வோம்.
8. மன்னர் அவையில் அரங்கேற்றம் செய்யாமல்
மக்களவை ஏற்றிவைத் தான்.
- வலியுறுத்தல் நல்லறமே வாழ்வில் அதனை
நிலைநிறுத்த நிற்கும் புகழ்.
10.தனக்குவமை இல்லாதான் யாரெனக் கேட்பார்க்குத்
தன்னையே தந்துநின் றான்.
(தொடரும்)
ச.ச.வேலரசு (எ) தமிழரசன்:
காலத்தின் குறள் பெரியார்
Comments
Post a Comment