திருக்குறள் அறுசொல் உரை : 125. நெஞ்சொடு கிளத்தல் : வெ. அரங்கராசன்



அகரமுதல 184,  சித்திரை 17, 2048 / ஏப்பிரல் 30,2017


     30 ஏப்பிரல் 2017      கருத்திற்காக..
(திருக்குறள் அறுசொல் உரை; 124. உறுப்பு நலன் அழிதல் தொடர்ச்சி)
திருக்குறள் அறுசொல் உரை
  1. காமத்துப் பால்
  1. கற்பு இயல்

    125. நெஞ்சொடு கிளத்தல்


பிரிவுத்துயர் மிகுதியைத் தலைவி,
தனது நெஞ்சுக்குச் சொல்லுதல்.

(01-10 தலைவி சொல்லியவை)
  1. நினைத்(து)ஒன்று சொல்லாயோ? நெஞ்சே! எனைத்(து)ஒன்றும்,
      எவ்வநோய் தீர்க்கும் மருந்து.
நெஞ்சே! என்துயரைத் தீர்க்கின்ற
மருந்துஒன்றைச் சிந்தித்துச் சொல்லாயோ?

  1. காதல் அவர்இலர் ஆக,நீ நோவது,
      பேதைமை வாழிய!என் நெஞ்சு.
நெஞ்சே! காதலர்க்குக் காதல்தான்
இல்லையே! நீஏன் வருந்துகிறாய்?

  1. இருந்(து)உள்ளி என்பரிதல்? நெஞ்சே! பரிந்(து)உள்ளல்,
      பைதல்நோய் செய்தார்கண் இல்.
நெஞ்சே! பரிவுஅற்றுத் துயர்தந்தாரை
நினைந்து வருந்துவது ஏன்?

  1. கண்ணும் கொளச்சேறி நெஞ்சே! இவை,என்னைத்
      தின்னும், அவர்க்காணல் உற்று.
நெஞ்சே! காதலரைக் காணத்
துடிக்கும் கண்களையும் அழைத்துச்செல்.

  1. செற்றார் எனக்,கை விடல்உண்டோ? நெஞ்சே!யாம்
      உற்(று)ஆல் உறாஅ தவர்.
நெஞ்சே!நாம் விரும்பியும், நம்மை
விரும்பாதார் என்பதால், கைவிடலாமோ?

  1. கலந்(து)உணர்த்தும் காதலர்க் கண்டால், புலந்(து)உணராய்;
      பொய்க்காய்வு காய்தி,என் நெஞ்சு.
நெஞ்சே! கலப்பில் வெறுக்காய்.
இப்போது காதலர்மேல் பொய்வெறுப்புத்தானே.

  1. காமம் விடு;ஒன்றோ, நாண்விடு; நல்நெஞ்சே!
      யானோ, பொறேன்இவ் இரண்டு.
நெஞ்சே! காதல்விடு, அல்லது
வெட்கம்விடு; இரண்டையும் தாங்கேன்.

  1. ”பரிந்தவர் நல்கார்”என்(று) ஏங்கிப், பிரிந்தவர்
      பின்செல்வாய், பேதைஎன் நெஞ்சு.
நெஞ்சே! “பிரிந்தார் அருளார்”
என்றுதானே, அவர்பின் செல்கிறாய்?

  1. உள்ளத்தார் காத லவர்ஆக, உள்ளிநீ
      யார்உழைச் சேறிஎன் நெஞ்சு?
நெஞ்சே! காதலரோ உன்னுள்ளே;
யாரிடம் செல்ல நினைக்கிறாய்?

  1. துன்னாத் துறந்தாரை, நெஞ்சத்(து) உடையேம்ஆ,
      இன்னும் இழத்தும் கவின்.
நெஞ்சே! பிரிந்தார் மனத்துள்ளே
இருப்பதால், இன்னும் அழகுஇழப்பு

பேரா.வெ.அரங்கராசன்

Comments

Post a Comment

Popular posts from this blog

எனக்குப் பிடித்த திருக்குறள்! – இரெ. சந்திரமோகன்

Image
அகரமுதல இலக்குவனார் திருவள்ளுவன்         06 மார்ச்சு 2019         கருத்திற்காக.. எனக்குப் பிடித்த திருக்குறள்!      தமிழ்ச் சமுதாயம் நயத்தக்க நாகரிகம் வேண்டும் சமுதாயம்; “யாதும் ஊரே, யாவரும் கேளிர்” என்று “ங” போல் வளைக்கும் சமுதாயம். அதன் ஒப்பற்ற பெருமையைப் பறைசாற்றும் நூற்களுள் மிகச்சிறந்தது தொல்காப்பியம், மற்றும் திருக்குறள் என்பது எனது கருத்து. மனித இனம் படிநிலை வளர்ச்சியில் உருவாகி, உடல் வலுவால் மட்டுமின்றி அறிவு ஆற்றலால் மேம்பட்டது. பல்லாயிரக்கணக்கான ஆண்டுகளாக நடைபெற்று வரும் வாழக்கைப் போராட்டத்தின் விளைவாக மிருகங்களிடம் இருந்து மேம்பட்டு, உயிரினங்கள் அனைத்தையும் பாதுகாக்கும் நிலைக்கு மனிதன் உயர்கின்றான். காலப்போராட்டத்தில் கருத்துக்களால் மேம்பட்ட சமுதாயமாக, உலகைக் காக்கும் சக்தியாக விளங்கும் சொற்களால் உருவான இலக்கியங்கள் கொண்டதால் “தமிழ்மொழி” செம்மொழி என்று உரைக்கப்படுகிறது.     எனக்குப் பிடித்த குறள், அனைவருக்கும் தெரிந்த ஒரு குறள். ஆயினும்  அதில் மறைந்திருக்கும் நுட்...
Read more

பல்துறையில் பசுந்தமிழ் : அறிவியல்தமிழ் 3/8 – கருமலைத்தமிழாழன்

Image
அகரமுதல 18 9, வைகாசி 21, 2048 / சூன் 04 , 2017 இலக்குவனார் திருவள்ளுவன்      04 சூன் 2017       கருத்திற்காக.. (பல்துறையில் பசுந்தமிழ் : அறிவியல்தமிழ் 2/8 –‌ தொடர்ச்சி) பல்துறையில் பசுந்தமிழ் : அறிவியல்தமிழ் 3/8 கவியரங்கக்கவிதை மயில்பொறியை   வானத்தில்   பறக்க   வைத்தோம் மணிபல்லத்   தீவிற்குப்   பறந்து   சென்றோம் குயில்மொழியாள்   கண்ணகியை   அழைத்துச்   செல்லக் குன்றுக்கு   வானஊர்தி   வந்த   தென்றே ‘ உயில் ‘போன்று   நம்முன்னோர்   எழுதி   வைத்த உண்மைகளை   அறிவியலின்   அற்பு  தத்தை பயில்கின்ற   காப்பியத்தில்   படித்த   தெல்லாம் பார்தன்னில்   நனவாகக்   காணு  கின்றோம் ! அணுப்பிளந்த    செய்திதனை   ஔவை   சொன்னால் ...
Read more

செய்யும் தொழிலே தெய்வம் – பட்டுக்கோட்டை கல்யாணசுந்தரம்

Image
செய்யும் தொழிலே தெய்வம் – பட்டுக்கோட்டை கல்யாணசுந்தரம் இலக்குவனார் திருவள்ளுவன்      04 மே 2014       கருத்திற்காக.. - அகரமுதல மே நாள் சிறப்பிதழ்
Read more