Skip to main content

அச்சம்

அச்சம்


                                                கல்வியாளர் வெற்றிச்செழியன்
vetrichezhiyan02

அஞ்சி அஞ்சி ஒதுங்கிவிட்டால்
            உதுவும் நடக்குமா !
அஞ்சி நாமும் முடங்கிவிட்டால்
            உயிரும் நிலைக்குமா !
 fear05
அச்சம் உள்ள நிலையினிலே
            அமைதி கிடைக்குமா !
அஞ்சி வாழும் மக்களிடை
            மகிழ்ச்சி தோன்றுமா !
 fear04
அச்சம் பெற்ற மூளையிலே
            அறிவு மலருமா !
அஞ்சி வாழும் அடிமையரின்
            கொள்கை பிழைக்குமா !
அச்சம் கொண்ட உறவினிலே
            உண்மை இருக்குமா !
அச்சம் உள்ள உயிர்களிடை
            அன்பு தோன்றுமா !
அச்சம் வாழ்வில் இருக்கையிலே
            கலைகள் முகிழுமா !
அச்சம் கொண்ட மனத்தவர்கள்
            படைக்க முடியுமா !
அச்சம் கொண்டு பிழைகளையே
            ஏற்று அமைவதா !
அச்சம் நம்மை ஆளவிட்டு
            அடிமை ஆவதா !
அச்சம் நீங்க உண்மையெனும்
            ஒளியை ஏற்றுவோம் !
அஞ்சாமல் விடுதலையாய்
            வாழ்ந்து காட்டுவோம் !





olivilakku01

அகரமுதல

Comments

Popular posts from this blog

பல்துறையில் பசுந்தமிழ் : அறிவியல்தமிழ் 3/8 – கருமலைத்தமிழாழன்

பகுத்தறிவுப் பகலவன் பாவேந்தர் பாரதிதாசன் – கூடலரசன் bharathidasan spl.issue