என் தேசக் காற்றே..! – நா.நிரோசு
செந்தமிழ் பேசும்
என்தேசக் காற்றே
செங்கடல் தாண்டி வந்து
என்தேகம் தூண்டிவிடு…!
என்தேசக் காற்றே
செங்கடல் தாண்டி வந்து
என்தேகம் தூண்டிவிடு…!
ஈழமண்ணின் ஈரம் கொண்டு
இந்தப் பாலை மண்ணை
பனிமலர்த் தோட்டமாய்
மாற்றிவிடு…!
இந்தப் பாலை மண்ணை
பனிமலர்த் தோட்டமாய்
மாற்றிவிடு…!
தாயகம் தாண்டி வந்து
தவிதவிக்கும் நேரம் இது
தடையின்றித் தாவிவந்து – என்
தலையைக் கோதிவிடு…!
தவிதவிக்கும் நேரம் இது
தடையின்றித் தாவிவந்து – என்
தலையைக் கோதிவிடு…!
அம்மாவின் கைச்சோறு
அன்பான சாப்பாடு
அந்தநாள் நினைவுகளை
அள்ளிவந்து ஊட்டிவிடு…!
அன்பான சாப்பாடு
அந்தநாள் நினைவுகளை
அள்ளிவந்து ஊட்டிவிடு…!
ஆண்டுகள் பல கடந்தாலும்
அன்பு நெஞ்சங்கள் மறந்தாலும்
என்தமிழே நீமட்டும்
என்னோடு வாழ்ந்துவிடு…!
அன்பு நெஞ்சங்கள் மறந்தாலும்
என்தமிழே நீமட்டும்
என்னோடு வாழ்ந்துவிடு…!
Comments
Post a Comment