திருக்குறள் அறுசொல் உரை – 072. அவை அறிதல் : வெ. அரங்கராசன்
02. பொருள் பால்
06. அமைச்சு இயல்
அதிகாரம் 072. அவை அறிதல்
அறிஞர் கூட்டத்தின் இயல்புகள்
ஆராய்ந்து ஒப்ப நடத்தல்.
- அவைஅறிந்(து), ஆராய்ந்து சொல்லுக, சொல்லின்
சொல்வள நல்அறிஞர், அவையின்
இயல்பை ஆராய்ந்துதான் பேசுவர்.
- இடைதெரிந்து, நன்(கு)உணர்ந்து, சொல்லுக, சொல்லின்
தமக்கும், அவைக்கும், இடைநிற்கும்
இடைவெளியை நன்குணர்ந்து சொல்க.
- அவைஅறியார், சொல்லல்மேற் கொள்பவர், சொல்லின்
அவைஇயல்பு அறியாது சொல்வார்,
சொல்அறியார்; வல்லாரும் அல்லார்.
- ஒளியார்முன் ஒள்ளியர் ஆதல், வெளியார்முன்
அறிவார் முன்னர் அறிவாராய்,
அறியார்முன் அறியாராய் அமைக.
- நன்(று)என்ற வற்றுள்ளும் நன்றே, முதுவருள்
மூதறிஞர் முன்னர் முந்திக்கொண்டு
பேசாமை, நல்லவற்றுள் நல்லது.
- ஆற்றின் நிலைதளர்ந்(து) அற்றே, வியன்புலம்
பேரறிஞர்முன் குற்றப்படப் பேசல்,
ஆற்று வெள்ளத்துள் தடுமாறல்போல்.
- கற்(று)அறிந்தார் கல்வி விளங்கும், கச(டு)அறச்
தெளிவாய்ப் புரிந்து கொள்வாரிடம்,
கற்றுஅறிந்தார் கல்வி விளங்கும்..
- உணர்வ(து) உடையார்முன் சொல்லல், வளர்வதன்
உணர்த்துவதை உணர்வார்முன் சொல்லல்,
வளர்பயிர் பாத்தியுள் மழை.
- புல்அவையுள் பொச்சாந்தும் சொல்லார், நல்அவையுள்
பேரறிஞர், கூட்டத்தில் செலச்சொல்வார்,
கீழானவர் கூட்டத்தில் சொல்லார்.
- அங்கணத்துள் உக்க அமிழ்(து)அற்(று)ஆல், தம்கணத்தர்
தம்போல் தகுதிஇலார்முன் பேசல்,
சாய்கடையில் கொட்டிய அமிழ்தம்.
பேராசிரியர் வெ. அரங்கராசன்
Comments
Post a Comment