இலக்கியம் - literature

  ஃஃஃ        இலக்குவனார் திருவள்ளுவன்         01 June 2024         அ கரமுதல ( இரா.பி.சேது(ப்பிள்ளை) எழுதிய தமிழர் வீரம் 17 : பேர் தெரியாப் பெருவீரர் – தொடர்ச்சி ) தமிழர் வீரம் வீரப் புகழ்மாலை வீரமும் ஈரமும் தமிழ் நாட்டுக் கவிகள் எஞ்ஞான்றும் படைத்திறத்தையும் கொடைத் திறத்தையும் பாராட்டிப் பாடுவர். “ பேராண்மையும் ஊராண்மையும் உடையவர் மேலோர்; அவரே புகழத் தக்கவர். வீரமும் ஈரமும் அற்றவர் கீழோர். அன்னாரைப் பாடுதல் கவிதைக்கு இழுக்கு; நாவிற்கு அழுக்கு”  என்பது அவர் கொள்கை. ஔவையாரும் செல்வரும் புலமையுலகத்தில் ஔவையாருக்குத் தனிப்பெருமை உண்டு. “ ஔவை வாக்குத் தெய்வ வாக்கு ” என்று கருதப் பட்டது. ஆதலால், அரசரும் செல்வரும் அவர் வாயால் வாழ்த்துப் பெற ஆசைப்பட்டார்கள்; ஒருநாள் ஔவையார் ஒரு சிற்றூரின் வழியாகச் சென்றுகொண்டிருந்தார். அவ்வூர்ச் செல்வர் இருவர் அவரிடம் போந்து, “அம்மையே உமது வாக்கால் எம்மையும் பாடுக” என்று வேண்டி நின்றார். வசைப் பாட்டு அவ்விருவரையும் நன்றாகத் தெரிந்தவர் ஔவையார். வீரத்திற்கும் அவருக்கும் வெகு...

  ஃஃஃ         இலக்குவனார் திருவள்ளுவன்         31 May 2024         அ கரமுதல (என் தமிழ்ப்பணி, புலவர் கா. கோவிந்தனார், 05. நெஞ்சே எழு! – தொடர்ச்சி) என் தமிழ்ப்பணி நெஞ்சே தொடர்ந்து வருக! ஆங்கு வீசும் தென்றற்காற்று மலர் பறிக்க வல்லானொருவன், மலரைப் பறிக்கத் தன் கைக் கோலால் கிளைகளை அலைக்கழித்தல்போல், மராமரத்துக் கிளைகளை, அலைக்கழித்து, அம்மலர்களை வழிச் செல்லும் மக்களின் தலை முடியில் சென்று உதிருமாறு செய்யும். நெஞ்சே!  காற்றின் செயல் கொடுமை வாய்ந்ததாகத் தோன்றினும் அக்காற்று இல்லையேல் அம்மலர்கள் மலர்ந்தும் பயனிழந்து போயிருக்கும் . அக்காற்று வீசியதால் அதன் மணம் காற்றில் பரவிப் பயன் பெற்றது. அம்மலரும் மக்கள் முடியில் படிந்து மாண்புற்றது அந்நிகழ்ச்சி, நம் பிரிவு முயற்சி நம் காதலிக்குக் கொடுமை புரிவதாகாது. மாறாக வாழ்வுப் பயனை அவள் அடையுமாறு பண்ணி, பிறரையும் வாழ்விக்கப் பண்ணும் என்ற உண்மையை. உணர்த்தாதோ? “நெஞ்சே! மராமரக் காட்சியைக் கடந்து சென்றால் காட்டுப் பன்றியைச் செந்நாய் தாக்கும் காட்சியைக் காண்பை; செந...

  ஃஃஃ     இலக்குவனார் திருவள்ளுவன்         29 May 2024        அகரமுதல ( கவிஞர் முடியரசனின் பூங்கொடி : 50 : பூங்கொடி வருந்துதல் –தொடர்ச்சி) பூங்கொடி எழுச்சி யூட்டல் அவரவர் மொழியில் உயர்பொருள் காணின் தவறறப் பெயர்த்துத் தாய்மொழிக் காக்கு! தாய்மொழி விடுத்துப் பிறமொழி விழைவோர் ஆய்வுரை கேட்கின் அவர்செருக் கடக்கு! பிழைபடத் தமிழைப் பேசியும் எழுதியும் 90 பிழைப்போர்க் காணின் பேரறி வூட்டு! பழிப்போர் இங்கே பிழைப்போர் அல்லர் அழித்தேன் என்றெழும் சிறுத்தைகள் கூட்டம் நாட்டினில் பல்கிட நல்லுரை வழங்கு! கோட்டமில் மனத்தாய்! குக்கலின் செயல்போல் 95 இலக்கண நூலை இழித்தும் பழித்தும் குரைத்தால் அவர்தம் கொட்டம் அடக்கு! பொருள்நூல் உணர்த்தல் தொல்காப் பியமெனும் ஒல்காப் பெருநூல் நல்கிய தாய்மொழி நாளும் வாழிய! எழுத்தின் இயலும் சொல்லின் இயலும் 100 வழுக்களைந் துணர்ந்தனை! வாழ்வியல் கூறும் அகம்எனப் புறம்என வகைபெறு பெருநூல் உலகிற் பிறமொழி உரையாப் பொருள்நூல் திறமுனக் குணர்த்துவென் செவ்விதிற் கற்பின் அறிவுரம் பெறுமே, ஐவகை இலக்கணம் 105 உணர்வார் மொழியில் உ...

ஃஃஃ       இலக்குவனார் திருவள்ளுவன்         25 May 2024        அகரமுதல ( இரா.பி.சேது(ப்பிள்ளை) எழுதிய தமிழர் வீரம் 16 : வீர விருதுகள்-தொடர்ச்சி ) தமிழர் வீரம் அத்தியாயம் 14 : பேர் தெரியாப் பெருவீரர் தமிழ்நாட்டில் நிகழ்ந்த போர்களில் வீரம் விளைத்தவர் எண்ணிறந்தவர். அன்னார் பீடும் பெயரும் முறையாக எழுதப்படவில்லை. ஆயினும், அவர் ஆண்மைக்குச் சில ஊர்களே சான்றாக நிற்கின்றன. பாலாற்று வென்றான் பாலாற்றங் கரையில் நிகழ்ந்த போர்கள் பலவாகும். அப் போர்களங்களில் பெருகிய செந்நீர் பாலாற்றில் சுரந்த தண்ணீரோடு கலந்து ஓடிற்று. அவ்வாற்றங்கரையில் வெம் போர் புரிந்து வெற்றி பெற்றான் ஒரு வீரன். அவனைப் “பாலாற்று வென்றான்” என்று தமிழ் நாட்டார் பாராட்டினர். அப்படிப்பட்ட பெயர் கொண்ட பல ஊர்கள் இன்றும் ஆர்க்காட்டு வட்டத்தில் உண்டு.[ 1 ] செய்யாற்று வென்றான் அவ்வாறே செய்யாற்றங்கரையில் நடந்த போரில் மாற்றாரை வென்று மேம்பட்டான் ஒரு தலைவன். அவனைச் “செய்யாற்று வென்றான்” என்று சீராட்டினர் தமிழ் மக்கள். அவ் விருதுப் பெயரும் ஊர்ப்பெயராயிற்று.[ 2 ] +++++ [1]. வட ...

  ஃஃஃ      இலக்குவனார் திருவள்ளுவன்         24 May 2024        அகரமுதல ( என் தமிழ்ப்பணி, புலவர் கா. கோவிந்தனார், 04. உள்ளுறை உவமம்-தொடர்ச்சி ) என் தமிழ்ப்பணி அத்தியாயம்  03.  நெஞ்சே   எழு ! ஒரு தொழிலைத் தொடங்குவார், அத்தொழிலை முற்றுப் பெற முடித்தல் வேண்டும்.  தொடங்கிய வினைக்கண் வெற்றி வாய்க்கும் வரை. உழைக்காது, அதை இடையே கைவிட்டு,  வேறு ஒன்றில் கருத்தைச் செலுத்துவாராயின், அவர்க்குப் பொருட்கேடும் புகழ்க்கேடும் உண்டாம். அதனால் ஒரு வினையைத் தொடங்குமுன் அவ்வினையின் ஆற்றல், அவ்வினையைத் தொடங்கும் தன் ஆற்றல், அவ்வினை வெற்றிபெற முடியாவாறு இடைநின்று தடுக்கும் பகை ஆற்றல் ஆகிய அனைத்தையும் பல முறை அளந்து நோக்கி  தன்னால் அதை முடிக்க முடியும் எனத் தெளிவாக உணர்ந்த பின்னரே தொடங்குதல் வேண்டும். அவ்வாறில்லாமல் ஆர்வத்தில் ஒன்றைத் தொடங்கிவிட்டு அதில் ஒரு பகுதி இன்னமும் முடிய வேண்டியிருக்கும் பொழுது, இதை முடிக்கும் ஆற்றல் எமக்கு இல்லை என்று கூறி அதை அந்நிலையிலேயே கைவிட்டுப் போவது அறிவுடைமையாகாது அத்தகையார் எட...

  ஃஃஃ     இலக்குவனார் திருவள்ளுவன்         22 May 2024        அகரமுதல ( கவிஞர் முடியரசனின் பூங்கொடி : 49 : கோமகன் நிலைமை-தொடர்ச்சி) பூங்கொடி பூங்கொடி வருந்துதல் `ஐயகோ தமிழே! ஐயகோ தமிழே! 55 செய்ய தொண்டுளம் சிலரே கொண்டனர்; உன்பெயர் சொல்லித் தந்நலம் நுகர்வார் நின்னலம் சிறிதும் நினையார் உளரே’ என்றுளம் ஏங்கி இனைந்தனள் இளங்கொடி; தாமரைக்கண்ணி அறிவுரை `இன்று பொதுப்பணி எளிதென எண்ணேல் 60 உள்ளமும் உயிரும் உணர்வும் தமிழென உள்ளுவோன் எவனோ அவனே தமிழன்! தமிழ்தமிழ் என்றுரை சாற்றுவோர் எல்லாம் தமிழ்காப் போரென நினைப்பது தவறு; இருவகைப் பகை பொதுப்பணி புரிவோய்! புந்தியில் ஒன்றுகொள் 65 எதிர்ப்படு பகையை எளிதில் வெல்லலாம்; சதிச்செயல் புரிந்து நண்பாய்ச் சார்ந்து சிரித்துச் சிரித்துச் செய்வ தெல்லாம் மறைத்துப் பகைக்கும் மனத்தை வெல்வது பரிக்கொம் பாகும் பாவாய்! தமிழ்க்கும் 70 அகப்பகை புறப்பகை ஆயிரண் டுண்டென மிகப்புரிந் தாற்றின் மேம்படும் நின்பணி; பன்மொழி பயிலெனல் பூங்கொடி நின்புகழ் பூவுல கெங்கும் ஓங்கிய தாதலின் உன்னொடு சொற்போ...

ஃஃஃ       இலக்குவனார் திருவள்ளுவன்         18 May 2024        அகரமுதல ( இரா.பி.சேது(ப்பிள்ளை) எழுதிய தமிழர் வீரம் 15 : வீரக்கல் -தொடர்ச்சி) தமிழர் வீரம் வீர விருதுகள் வீரம் – மனத்திண்மை போர்க்களத்தில் வெற்றி பெறுதற்குப் புயத்திண்மை மட்டும் போதாது; மனத்திண்மையும் வேண்டும். “ வினைத் திட்பம் என்பது ஒருவன் மனத்திட்பம் ” என்பது வள்ளுவர் வாய்மொழி. மனத்திட்பமற்றவர் கோழைகள்; பேடிகள்.  ‘புலியடிக்கு முன்னே பேடியைக் கிலியடிக்கும் ‘ என்பது இந் நாட்டுப் பழமொழி. ஏனாதிப் பட்டம் மனத்திட்பமுடைய படைத் தலைவரைத் தமிழ் மன்னர் சிறப்பித்தனர்; ஏனாதிப் பட்டமளித்துப் பாராட்டினர். அப் பட்டத்தின் சின்னம் ஓர் அழகிய மோதிரம். அதனை அரசன் கையால் அணியப்பெற்ற படைத்தலைவர் பெருமதிப்புக்கு உரியவராயினர்; “ ………..போர்க்கெல்லாம் தானாதி யாகிய தார்வேந்தன் மோதிரம்சேர் ஏனாதிப் பட்டத் திவன் ”  [1] என்று நாட்டார் ஏத்தும் நலம் பெற்றனர். சோழ மன்னரால் ஏனாதிப் பட்டம் வழங்கப் பெற்றவர்  சோழிய ஏனாதி  என்று சிறப்பிக்கப்பட்டார்கள். அன்னவருள் சிலர் பெரும...