Skip to main content

அவியினும் வாழினும் என்? – தமிழ்சிவா



அகரமுதல 194, ஆனி 25, 2048 / சூலை 09, 2017

     09 சூலை 2017      கருத்திற்காக..

அவியினும் வாழினும் என்? – தமிழ்சிவா


வா
சாதித் தேரிழித்து
நடுத்தெருவில் நிறுத்து
இல்லாதோர் இயலாதோர்
வீடு வாசல் கொளுத்து !
எடு
கசடுகளே தலைவனெனப் புகழ்ந்து
விழா எடு !
விடு
மானம் பழம் அறிவு புகழ்
பீடோடு பிறவும் விடு!
செய்
பாழும் சிலைக்குப்
பாலூற்றிப் பரவல் செய்!
வாழும் தொண்டர்க்கு
வரிசையுடன் பாடைசெய்!
பெருமக்கள் காட்டிய நல்வழியைப் பெருவிருப்புடனே  நிரவல் செய்!
தடு
தமிழினத்தில் யாரேனும்
தகுதியால் உயர்ந்தாலும்
உள்ளுக்குள் நல்லறிவு தன்மானம்
புகுந்தாலும்
ஓடோடித்தடு!
நடு
பொதுத்தெருவில் சாதிப்பலகை
‘நச்சு’ என நடு!
அழி
காடு கழனி கடல்
ஆறு மலை
அன்னைமொழி உட்பட  அத்தனையும்
மீண்டெழாதபடி அழி!
செழி
செல்வாக்கு பதவி
சிவப்புப்பணம் யாவும் பெற்று
போ
புகழ்மணக்க
அசிங்கத்தை அள்ளியள்ளிவீசு
நீதான்  இழுக்கு
உன்னைவிட  உயர்ந்தது
என்னுடலில் திரண்ட  அழுக்கு!
சீ போடா
மூளைச்சாவு வந்தபின்னும்
இருக்கின்றாய் நீ இன்னும்!
                                       தமிழ்சிவா


Comments

Post a Comment

Popular posts from this blog

பல்துறையில் பசுந்தமிழ் : அறிவியல்தமிழ் 3/8 – கருமலைத்தமிழாழன்

Image
அகரமுதல 18 9, வைகாசி 21, 2048 / சூன் 04 , 2017 இலக்குவனார் திருவள்ளுவன்      04 சூன் 2017       கருத்திற்காக.. (பல்துறையில் பசுந்தமிழ் : அறிவியல்தமிழ் 2/8 –‌ தொடர்ச்சி) பல்துறையில் பசுந்தமிழ் : அறிவியல்தமிழ் 3/8 கவியரங்கக்கவிதை மயில்பொறியை   வானத்தில்   பறக்க   வைத்தோம் மணிபல்லத்   தீவிற்குப்   பறந்து   சென்றோம் குயில்மொழியாள்   கண்ணகியை   அழைத்துச்   செல்லக் குன்றுக்கு   வானஊர்தி   வந்த   தென்றே ‘ உயில் ‘போன்று   நம்முன்னோர்   எழுதி   வைத்த உண்மைகளை   அறிவியலின்   அற்பு  தத்தை பயில்கின்ற   காப்பியத்தில்   படித்த   தெல்லாம் பார்தன்னில்   நனவாகக்   காணு  கின்றோம் ! அணுப்பிளந்த    செய்திதனை   ஔவை   சொன்னால் அவிழ்த்துவிட்ட    புளுகுமூட்டை   என்று   ரைத்தார் அணுக்குண்டைப்    பொக்ரானில்    வெடித்த   போதோ அருந்தமிழன்   அறிவுதனைப்   போற்றி   நின்றார் ! முணுமுணுத்தார்   அம்புமுனை   நெருப்பைக்   கக்கி முன்னேறிச்   சென்றதினைப்   பொய்யே   என்றார் முணுமுணுத்த   வாய்பிளந்தே   இசுகட்   என்று முகிழ்த்தஏவு    கணைகண்டு
Read more

பகுத்தறிவுப் பகலவன் பாவேந்தர் பாரதிதாசன் – கூடலரசன் bharathidasan spl.issue

Image
பகுத்தறிவுப் பகலவன் பாவேந்தர் பாரதிதாசன் – கூடலரசன் இலக்குவனார் திருவள்ளுவன்      20 ஏப்பிரல் 2014       கருத்திற்காக..   புரட்சிக் கவிஞர் என்ற பெருஞ் சிறப்புக்குரிய பாவேந்தர் பாரதிதாசன் அவர்கள் தாழ்ந்துபோன தமிழகத்தின் பகுத்தறிவுப் பகலவனாகப் பவனி வந்தார். பழமைச் சமுதாயத்தைப் பாட்டால் பண்படுத்திய பெருமை அவருக்கு மட்டுமே உண்டு. அடிமை வாழ்வினரை புரிய உலகு நோக்கி விரைந்துவர அழைத்தார். அவல வாழ்வினருக்கும் அஞ்சாமைத் திறன் ஊட்டினார். “ இருட்டறையில் உள்ள தடா உலகம் சாதி இருக்கின்றது என்பானும் இருக்கின்றானே – வெருட்டுவது பகுத்தறிவு இலையாயின் விடுதலையும் கெடுதலையும் ஒன்றேயாகும் ” என்று குரல் கொடுத்தபிறகுதான் மருட்டுகின்ற மதத் தலைவரை விரட்டுகின்ற வீரமெல்லாம் தமிழ் மக்களுக்கு வந்தது. பாரதிதாசன்! இந்தப் பெயர் தமிழர் தம் நெஞ்சத்தில் இடம் பெற்ற காலம் (18.8.39) முதல் இந்தி எதிர்ப்புப்போராட்டம் கிளர்ந்தெழுந்த நேரம்! “இந்தி எப்பக்கம் வந்து புகுந்துவிடும் எத்தனை பட்டாளம் கூட்டிவரும் தீங்குள்ள இந்தியை நாம் எதிர்ப்போம். பங்கம் விளைந்திடில் உங்கள் தாய்மொழிக்கே பச்சை இரத்தம் ப
Read more