Skip to main content

வேட்பாளர் மாண்பு – முனைவர் க.தமிழமல்லன்



அகரமுதல 126,  பங்குனி 14, 2047 / மார்ச்சு 27, 2016


வேட்பாளர் மாண்பு – முனைவர் க.தமிழமல்லன்

     27 மார்ச்சு 2016      கருத்திற்காக..
தலைப்பு-வேட்பாளர் மாண்பு :thalaippu_vetpalarmaanbu_thamizhamallan02

வேட்பாளர் மாண்பு

தலைவர்:
தகுதி என்ன? தலைமைக் கெவ்வளவு
மிகுதியாய் நன்கொடை மேல்நீ தருவாய்?
வேட்பாளர்:
அம்மா வுக்கொன் றளித்துச் சின்ன
அம்மா வுக்கும் அளித்து விட்டேன்!
அடுத்தத் தலைவர்க் களிக்கும் பெட்டியும்
அண்ணிக் கொன்றும் அணியம் ஐயா!
தலைவர்:
உன்றன் தாய்மொழி என்னவோ உரைப்பாய்?
வேட்பாளர்:
அன்புத் தமிழ்தான் அகத்தில் வேறு!
தலைவர்:
தமிழெனச் சொல்லு தமிழெனச் சொல்லு!
வேட்பா-
தமிழ்தான் தமிழ்தான் தாய்மொழி எனக்கு!
தலைவர்:
தொகுதி மதிப்பு மிகுதியாய் உண்டா?
வேட்பாளர்:
தொகுதி முழுவதும் மிகுதியாய் உள்ளவர்,
நம்சாதி மக்கள்! நம்புவர் என்னை!
தெம்பாய்ச் சொல்வேன் தெளிந்தமெய் ஐயா!
தலைவர்:
ஓகோ ஓகோ உண்மையைச் சொன்னாய்!
வாகை கெடுக்கும் பகைவர் உண்டா?
வேட்பாளர்:
பக்கத்து வீட்டுப் பாவை என்னுடன்
படுத்துப் போனாள் பார்த்த மனைவியோ,
பகையாய் மாறிப் பழிசெய் கின்றாள்!
மிகையாய் எண்ணல் வேண்டா ஐயா!
தலைவர்
மனைவியைப் பகைத்தால் மாட்சி ஏதடா?
துணையாய் மாற்றத் துணிக!
வேட்பாளர்:
ஐயா
இல்லா தொழிக்க என்னால் முடியும்!
இல்லக் குழப்பம் என்னைத் தொளைக்கும்!
தலைவர்:
வழக்கு கிழக்கு வம்பு தும்பு
வகையாய் இருந்தால் வரிசைப் படுத்து!
வேட்பாளர்:
மணலைக் கொள்ளை கொண்ட வழக்கு,
மனைகைப் பற்றி மதித்த வழக்கு,
சிற்சில கோடி பெற்றேன் கடனாய்க்
கற்க வில்லை கடன்அடை வழக்கம்!
வழக்கைப் போட்டு வம்படிக் கின்றனர்!
கிழக்குத் தோப்பில் கிளர்மது காய்ச்சித்
தொண்டர்க் களித்தேன்! தோல்வி மறைந்தது!
வண்டியாய்க் கையூட்டு வாங்கி யவர்தான்,
வழக்கில் சிக்க வைத்து விட்டார்!
வழக்கைச் சிறப்பாய் இழுக்கின் றேனே!
thamizhamallan02
-முனைவர் க.தமிழமல்லன்

Comments

Post a Comment

Popular posts from this blog

எனக்குப் பிடித்த திருக்குறள்! – இரெ. சந்திரமோகன்

Image
அகரமுதல இலக்குவனார் திருவள்ளுவன்         06 மார்ச்சு 2019         கருத்திற்காக.. எனக்குப் பிடித்த திருக்குறள்!      தமிழ்ச் சமுதாயம் நயத்தக்க நாகரிகம் வேண்டும் சமுதாயம்; “யாதும் ஊரே, யாவரும் கேளிர்” என்று “ங” போல் வளைக்கும் சமுதாயம். அதன் ஒப்பற்ற பெருமையைப் பறைசாற்றும் நூற்களுள் மிகச்சிறந்தது தொல்காப்பியம், மற்றும் திருக்குறள் என்பது எனது கருத்து. மனித இனம் படிநிலை வளர்ச்சியில் உருவாகி, உடல் வலுவால் மட்டுமின்றி அறிவு ஆற்றலால் மேம்பட்டது. பல்லாயிரக்கணக்கான ஆண்டுகளாக நடைபெற்று வரும் வாழக்கைப் போராட்டத்தின் விளைவாக மிருகங்களிடம் இருந்து மேம்பட்டு, உயிரினங்கள் அனைத்தையும் பாதுகாக்கும் நிலைக்கு மனிதன் உயர்கின்றான். காலப்போராட்டத்தில் கருத்துக்களால் மேம்பட்ட சமுதாயமாக, உலகைக் காக்கும் சக்தியாக விளங்கும் சொற்களால் உருவான இலக்கியங்கள் கொண்டதால் “தமிழ்மொழி” செம்மொழி என்று உரைக்கப்படுகிறது.     எனக்குப் பிடித்த குறள், அனைவருக்கும் தெரிந்த ஒரு குறள். ஆயினும்  அதில் மறைந்திருக்கும் நுட்...
Read more

பல்துறையில் பசுந்தமிழ் : அறிவியல்தமிழ் 3/8 – கருமலைத்தமிழாழன்

Image
அகரமுதல 18 9, வைகாசி 21, 2048 / சூன் 04 , 2017 இலக்குவனார் திருவள்ளுவன்      04 சூன் 2017       கருத்திற்காக.. (பல்துறையில் பசுந்தமிழ் : அறிவியல்தமிழ் 2/8 –‌ தொடர்ச்சி) பல்துறையில் பசுந்தமிழ் : அறிவியல்தமிழ் 3/8 கவியரங்கக்கவிதை மயில்பொறியை   வானத்தில்   பறக்க   வைத்தோம் மணிபல்லத்   தீவிற்குப்   பறந்து   சென்றோம் குயில்மொழியாள்   கண்ணகியை   அழைத்துச்   செல்லக் குன்றுக்கு   வானஊர்தி   வந்த   தென்றே ‘ உயில் ‘போன்று   நம்முன்னோர்   எழுதி   வைத்த உண்மைகளை   அறிவியலின்   அற்பு  தத்தை பயில்கின்ற   காப்பியத்தில்   படித்த   தெல்லாம் பார்தன்னில்   நனவாகக்   காணு  கின்றோம் ! அணுப்பிளந்த    செய்திதனை   ஔவை   சொன்னால் ...
Read more

செய்யும் தொழிலே தெய்வம் – பட்டுக்கோட்டை கல்யாணசுந்தரம்

Image
செய்யும் தொழிலே தெய்வம் – பட்டுக்கோட்டை கல்யாணசுந்தரம் இலக்குவனார் திருவள்ளுவன்      04 மே 2014       கருத்திற்காக.. - அகரமுதல மே நாள் சிறப்பிதழ்
Read more