திருக்குறள் அறுசொல் உரை: 132. புலவி நுணுக்கம்: வெ. அரங்கராசன்
திருக்குறள் அறுசொல் உரை
3. காமத்துப் பால்
15. கற்பு இயல்
132. புலவி நுணுக்கம்
தவறுஇல்லாப் போதும், கூடல்இன்ப
மிகுதிக்காக நுட்பமாய்ச் சினத்தல்
(01-02 தலைவி சொல்லியவை) - பெண்இயலார் எல்லாரும் கண்ணின் பொதுஉண்பர்,
பெண்களின் பார்வைகளால் கற்பினை
இழந்தவனே! உன்னை நெருங்கேன்.
- ஊடி இருந்தேம்ஆத், தும்மினார், யாம்தம்மை,
ஊடலில் தும்மினார், “நீடுவாழ்க”என
வாழ்த்துவேன் என்று நினைந்து.
(03-10 தலைவன் சொல்லியவை)
- கோட்டுப்பூச் சூடினும் காயும், “ஒருத்தியைக்
மரக்கிளைப் பூச்சூடினும் ஊடுவாள்,
“ஒருத்திக்குக் காட்டத்தானே” என்று.
- “யாரினும், காதலம்” என்றேன்ஆ, ஊடினாள்
“யாரைவிடவும் காதல் மிகுதியோம்”
என்றேனா, “யாரினும்”….?என ஊடினாள்.
- “இம்மைப் பிறப்பில் பிரியலம்” என்றேன்ஆக்,
“இப்பிறப்பில், பிரியோம்” என்றேனா,
“மறுபிறப்பில் பிரிவோ….?” என்றாள்.
- “உள்ளினேன்” என்றேன்,மற்(று) “என்மறந்தீர்?” என்(று)என்னைப்
“நினைத்தேன்” என்றேன்; “ஏன்மறந்தீர்?”
என்று, தழுவாது பிணங்கினாள்.
- வழுத்தினாள் தும்மினேன் ஆக; அழித்(து)அழுதாள்,
தும்மினேன்; வாழ்த்தினாள்; பின்அழுதாள்,
“யார்நினைப்பால் தும்மினீர்?” என்று.
- தும்முச் செறுப்ப அழுதாள், “நுமர்உள்ளல்
தும்மலை அடக்கினேன்; “யார்நினைப்பதை
மறைக்க, அடக்கினீர்?” என்றாள்.
- தன்னை உணர்த்தினும் காயும், “பிறர்க்கும்நீர்
ஊடல்தீர்க்கப் பணிந்தாலும், “இப்படித்தானே
பிறரிடமும் நீர்” என்பாள்.
- நினைத்(து)இருந்து நோக்கினும் காயும், “அனைத்துநீர்
உற்றுப் பார்த்தாலும், “யாரோடு
ஒப்பிடுகிறீர்?” என்றே ஊடுவாள்.
பேரா.வெ.அரங்கராசன்
Comments
Post a Comment