வேண்டா வரன் கொடை! – சி. செயபாரதன்

அகரமுதல 213, கார்த்திகை 03- கார்த்திகை 09,  2048 /  நவம்பர் 19  – நவம்பர் 25,  2017

இலக்குவனார் திருவள்ளுவன்      19 நவம்பர் 2017      கருத்திற்காக..

வேண்டா வரன் கொடை!  

1. பேயும் இரங்குமாம் பெண்ணென்றால் ! கருப்பிணித்

தாயோ கருவழிப்பாள்  தான்விரும்பி !  – காயிலே
பெண்கருவைத் தாயழித்தால் பின்னெங்கே ஆண்வருக்கம் ?
கண்ணிரண்டும்  போன கதை !

2. ஈழத்தில் இட்டதீ சீதைக்கு ! எழில்மதுரை

சூழத்தீ  இட்டது கண்ணகிக்கு ! – வாழாது
மீண்டும் நகைச்சண்டை !  மேனியில்தீ  தங்கைக்கு !
வேண்டாம் வரதட் சணை !

3. தாலிகட்ட நூறுபவுன் ! தாயாக்க வேறுபவுன் !

கூலிமுதல் தந்தால்மூ கூர்த்தமெனும் – வாலிப
ஆண்மகனும் தாசியைப்போல் ஆசையுள்ள தாசனே !
வேண்டாம் வரதட் சணை !

அறிவியலர் சி . செயபாரதன், கனடா