திருக்குறள் அறுசொல் உரை: 109. தகை அணங்கு உறுத்தல்: வெ. அரங்கராசன்


அகரமுதல 165,  மார்கழி 03, 2047 /  திசம்பர் 18, 2016

 
     18 திசம்பர் 2016      கருத்திற்காக..

 

திருக்குறள் அறுசொல் உரை

03. காமத்துப் பால்

14. களவு இயல்


  அதிகாரம் 109. தகை அணங்கு உறுத்தல்
                   தகுதிமிகு தலைமகளது அழகு,
                   தலைமகனது  மனத்தை  வருத்துதல்
                                     
                    (01-10  தலைமகன்  சொல்லியவை)

  1. அணங்குகொல்…? ஆய்மயில் கொல்லோ…? கணங்குழை
      மாதர்கொல்….? மாலும்என் நெஞ்சு.
       தெய்வ மகளோ….? மயிலோ….?
மண்மகளோ….? என்மனம் மயங்கும்.

  1. நோக்கினாள்; நோக்(கு)எதிர் நோக்குதல், தாக்(கு)அணங்கு
      தானைக்கொண்(டு) அன்ன(து) உடைத்து.
அவளின் எதிர்ப்பார்வை, தெய்வமகள்
படையோடு தாக்குவது போன்றது.

  1. பண்(டு)அறியேன் கூற்(று)என் ப(து);அதனை, இனிஅறிந்தேன்,
      பெண்தகையால் பேர்அமர்க் கட்டு.
       “பெண்வடிவில் போரிடுவதே எமன்”
என்பதை, இன்று அறிந்தேன்.

  1. கண்டார் உயிர்உண்ணும் தோற்றத்தால், பெண்தகைப்
      பேதைக்(கு) அமர்த்தன கண்
       இவ்இளம் பெண்ணின் கண்கள்,
காண்பாரோடு போரிட்டு உயிர்குடிக்கும்.

  1. கூற்றமோ….? கண்ணோ….? பிணையோ….? மடவரல்
      நோக்கம்,இம் மூன்றும் உடைத்து.
        எமனோ….? கண்களோ….? பெண்மானோ….?
இவளது பார்வையில், இம்மூன்றும்.

  1. கொடும்புருவம் கோடா மறைப்பின், நடுங்(கு)அஞர்
      செய்யல மன்இவள் கண்.
இவளது புருவம் வளையாது
இருந்திருந்தால், துன்பம் வந்திராது.

  1. கடாஅக் களிற்றின்மேல் கண்படாம், மாதர்
      படாஅ முலைமேல் துகில்.
இவளது இளமார்பக மேல்ஆடை,
யானையின் முகப்படாம் போன்றது.

  1. ஒண்ணுதற்(கு) ஓஒ உடைந்ததே…! ஞாட்பினுள்,
      நண்ணாரும் உட்கும்என் பீடு.
பகைவரிடம் என்வீரம், தோற்காது;
இவளது அழகுமுன், தோற்றதே….!

  1. பிணைஏர் மடநோக்கும், நாணும் உடையாட்(கு),
      அணிஎவனோ ஏ(து)இல தந்து….?
மான்பார்வை, நாண்அழகு உடையாளுக்கு
மற்ற நகைகள் எதற்கு….?

  1. உண்டார்கண் அல்ல(து), அடுநறாக், காமம்போல்,
      கண்டார் மகிழ்செய்தல் இன்று.
கள்ளை, உண்டால்தான் மகிழ்ச்சி;
காதலியைக், கண்டாலே மகிழ்ச்சி.
பேரா.வெ.அரங்கராசன்

Comments

Post a Comment

Popular posts from this blog

எனக்குப் பிடித்த திருக்குறள்! – இரெ. சந்திரமோகன்

Image
அகரமுதல இலக்குவனார் திருவள்ளுவன்         06 மார்ச்சு 2019         கருத்திற்காக.. எனக்குப் பிடித்த திருக்குறள்!      தமிழ்ச் சமுதாயம் நயத்தக்க நாகரிகம் வேண்டும் சமுதாயம்; “யாதும் ஊரே, யாவரும் கேளிர்” என்று “ங” போல் வளைக்கும் சமுதாயம். அதன் ஒப்பற்ற பெருமையைப் பறைசாற்றும் நூற்களுள் மிகச்சிறந்தது தொல்காப்பியம், மற்றும் திருக்குறள் என்பது எனது கருத்து. மனித இனம் படிநிலை வளர்ச்சியில் உருவாகி, உடல் வலுவால் மட்டுமின்றி அறிவு ஆற்றலால் மேம்பட்டது. பல்லாயிரக்கணக்கான ஆண்டுகளாக நடைபெற்று வரும் வாழக்கைப் போராட்டத்தின் விளைவாக மிருகங்களிடம் இருந்து மேம்பட்டு, உயிரினங்கள் அனைத்தையும் பாதுகாக்கும் நிலைக்கு மனிதன் உயர்கின்றான். காலப்போராட்டத்தில் கருத்துக்களால் மேம்பட்ட சமுதாயமாக, உலகைக் காக்கும் சக்தியாக விளங்கும் சொற்களால் உருவான இலக்கியங்கள் கொண்டதால் “தமிழ்மொழி” செம்மொழி என்று உரைக்கப்படுகிறது.     எனக்குப் பிடித்த குறள், அனைவருக்கும் தெரிந்த ஒரு குறள். ஆயினும்  அதில் மறைந்திருக்கும் நுட்பமான பொருள்கள் என்னை அதிரவைக்கின்றன . அந்தக் குறள்.          “ஈன்ற பொழுதிற் பெரிதுவக்கும் தன்மகனை
Read more

பல்துறையில் பசுந்தமிழ் : அறிவியல்தமிழ் 3/8 – கருமலைத்தமிழாழன்

Image
அகரமுதல 18 9, வைகாசி 21, 2048 / சூன் 04 , 2017 இலக்குவனார் திருவள்ளுவன்      04 சூன் 2017       கருத்திற்காக.. (பல்துறையில் பசுந்தமிழ் : அறிவியல்தமிழ் 2/8 –‌ தொடர்ச்சி) பல்துறையில் பசுந்தமிழ் : அறிவியல்தமிழ் 3/8 கவியரங்கக்கவிதை மயில்பொறியை   வானத்தில்   பறக்க   வைத்தோம் மணிபல்லத்   தீவிற்குப்   பறந்து   சென்றோம் குயில்மொழியாள்   கண்ணகியை   அழைத்துச்   செல்லக் குன்றுக்கு   வானஊர்தி   வந்த   தென்றே ‘ உயில் ‘போன்று   நம்முன்னோர்   எழுதி   வைத்த உண்மைகளை   அறிவியலின்   அற்பு  தத்தை பயில்கின்ற   காப்பியத்தில்   படித்த   தெல்லாம் பார்தன்னில்   நனவாகக்   காணு  கின்றோம் ! அணுப்பிளந்த    செய்திதனை   ஔவை   சொன்னால் அவிழ்த்துவிட்ட    புளுகுமூட்டை   என்று   ரைத்தார் அணுக்குண்டைப்    பொக்ரானில்    வெடித்த   போதோ அருந்தமிழன்   அறிவுதனைப்   போற்றி   நின்றார் ! முணுமுணுத்தார்   அம்புமுனை   நெருப்பைக்   கக்கி முன்னேறிச்   சென்றதினைப்   பொய்யே   என்றார் முணுமுணுத்த   வாய்பிளந்தே   இசுகட்   என்று முகிழ்த்தஏவு    கணைகண்டு
Read more

செய்யும் தொழிலே தெய்வம் – பட்டுக்கோட்டை கல்யாணசுந்தரம்

Image
செய்யும் தொழிலே தெய்வம் – பட்டுக்கோட்டை கல்யாணசுந்தரம் இலக்குவனார் திருவள்ளுவன்      04 மே 2014       கருத்திற்காக.. - அகரமுதல மே நாள் சிறப்பிதழ்
Read more