பன்னீர் செல்வத்தின் புதிய புரட்சிக்கவி களம் : 1 காட்சி : 4
அகரமுதல ஃஃஃ இலக்குவனார் திருவள்ளுவன் 01 December 2022 No Comment (புதிய புரட்சிக்கவி- களம் : 1 காட்சி : 3 – தொடர்ச்சி ) புதிய புரட்சிக்கவி களம் : 1 காட்சி : 4 முச்சந்தியில் மோனைப் புலவன் நிற்க ; இளவரசியின் தோழி அல்லி வருகிறாள் அகவல் மோனை : பாளைச் சிரிப்பிலே பாவிஎன் ஆவியைப் பதைக்க வதைக்கும் பாவாய் அல்லி பாதையில் மேதிபோல் பாவியேன் நிற்கவும் பார்த்தும் பாராது பால்முகம் திருப்பிப் பதைப்புடன் எங்கே பாய்கிறாய்? நின்று முத்து விளையாட் டொன்றுஎன் முகத்தில் மெத்தென் றாடினால் மேனியா குறையும்? அல்லி : மொத்துவேன் முகத்தில் மூக்கிரண் டாகும் கொத்துங் கழுகிற்குக் கொள்ளை விருந்தாவாய் நாளை வருகிற நற்றமிழ்ப் புலவன் சேலை நிகர்க்கும் செவ்வரிக் கண்ணாள் நாட்டின் இளவரசி நங்கை யவட்குச் செந்தமிழ் யாப்பைச் செப்பிடத் தோதாய் செங்கோல் வேந்தன் செப்பிய பாங்கில் சோலை மேடை சொகுசா யமைத்திட ஆவன கொணர அங்காடி செல்கிறேன் மோனை : நற்ற