கரையான் புற்றுக்குள் கருநாகம் – 2 : புலவர் பழ.தமிழாளன்
கரையான் புற்றுக்குள் கருநாகம் – 2
தில்லைமரம் நிறைந்ததினால் தில்லை
யென்ற பெயரோங்கும் இடமும் ஆகிச்
செந்தமிழர் போற்றுகின்ற சிவனாகும்
நடராசர் கோவி லுக்குத்
தொல்தமிழ இனம்வந்த முதற்பராந்த
கமன்னென்பார் பொன்னும் வேய்ந்தார் /
புதுக்கோட்டை மாமன்னர் சேதுபதி
மரகதக்கல் ஈந்து மகிழ்ந்தார் //
கொல்லைப்புற வழியாக உட்புகுந்த
தீச்சிதரும் உரிமை கோரல் /
கருநாகம் கரையான்புற் றுரிமை
தனைக் கோருகின்ற நிலையே ஒக்கும் //
வல்லடியாய் வழக்காடு தீச்சிதரை
வாலிறைவன் கோவில் விட்டே /
வளர்தமிழ நாட்டரசு வெளியேற்றி
மீட்டெடுத்தல் வேண்டும் ! வேண்டும் !
புலவர் பழ.தமிழாளன்,
இயக்குநர்-பைந்தமிழியக்கம்,
திருச்சிராப்பள்ளி.
Comments
Post a Comment