நான் சற்றுத் தூங்கிக் கொள்கிறேன்.. – முகமதுபாட்சா
அகரமுதல 128, பங்குனி 28, 2047 / ஏப்பிரல் 10, 2016 நான் சற்றுத் தூங்கிக் கொள்கிறேன்.. – முகமதுபாட்சா இலக்குவனார் திருவள்ளுவன் 10 ஏப்பிரல் 2016 கருத்திற்காக.. நான் சற்றுத் தூங்கிக் கொள்கிறேன்… எனக்கான தூக்கத்தை யாரும் கெடுத்து விடாதீர்கள் ! ஆசையைத் துறந்த யெனக்குத் தூக்கத்தைத் துறக்கத் தெரியவில்லை ! தூங்கும் போது – நான் தியானிப்பதாகவே பொய்ச் சொல்லிக் கொள்கிறேன்! குடும்ப வாழ்வை நேசித்த வரை தூக்கத்தைத் தொலைத்திருந்தேன்! ஆசையைத் துறந்த பிறகுதான் தூக்கம் நிம்மதியாக வருகிறது! ஆசையில் தூக்கம் அடங்குமா? தெரியவில்லை ! – ஆனாலும் தூங்கித்தான் ஆக வேண்டும் ஒரேயடியாகத் தூங்கும் வரை! முகமதுபாட்சா